ಕೋಲ್ಕತ್ತಾ: ಏಕಪಕ್ಷೀಯವಾಗಿ ನಡೆದ ಸನ್ ಫೀಸ್ಟ್ ಮುಕ್ತ ಟೆನ್ನಿಸ್ ಪಂದ್ಯಾವಳಿಯ ಅಂತಿಮ ಪಂದ್ಯಾವಳಿಯಲ್ಲಿ ಮಾರ್ಟಿನಾ ಹಿಂಗೀಸ್ ಜಯಗಳಿಸಿದ್ದಾರೆ. ಪೋಚುಕೋವಾ ವಿರುದ್ಧ ನಡೆದ ಅಂತಿಮ ಹಣಾಹಣಿಯಲ್ಲಿ ಹಿಂಗೀಸ್ ೬-೦, ೬-೪ ರ ನೇರ ಸೆಟ್‌ಗಳ ಮೂಲಕ ಜಯಗಳಿಸಿದರು.

ಈ ಗೆಲುವಿನೊಂದಿಗೆ ಹಿಂಗೀಸ್ ೨೮,೦೦೦ ಯುಎಸ್ ಡಾಲರ್‍ಸ್ ಪಡೆದುಕೊಂಡಿದ್ದಾರೆ.

ಡಬಲ್ಸ್ ವಿಭಾಗ

ಭಾನುವಾರ ನೇತಾಜಿ ಒಳಾಂಗಣ ಕ್ರೀಡಾಂಗಣದಲ್ಲಿ ನಡೆದ ಡಬಲ್ಸ್ ಫೈನಲ್ಸ್ ಪಂದ್ಯದಲ್ಲಿ ಸಾನಿಯಾ ಮಿರ್ಜಾ ಮತ್ತು ದಕ್ಷಿಣ ಆಫ್ರಿಕಾದ ಲೀಜೆಲ್ ಹೂಬರ್ ಜೋಡಿ ೬-೪, ೬-೦ ನೇರ ಸೆಟ್‌ಗಳಿಂದ ಉಕ್ರೇನಿನ ಯೂಲಿಯಾನಾ ಫೆಡಕ್ ಮತ್ತು ಯೂಲಿಯಾ ಬೇಗೆಲ್ಜಿಮರ್ ಅವರನ್ನು ಸುಲಭವಾಗಿ ಸೋಲಿಸಿದರು. ಸಾನಿಯಾ ಹಾಗೂ ಹೂಬರ್ ೮,೨೫೦ ಯುಎಸ್ ಡಾಲರ್ ಗಳಿಸಿದರು.