ನವದೆಹಲಿ: ಜರ್ಮನಿಯ ಮೊನ್‌ಕುನ್‌ಗ್ಲಾಡ್‌ಬಾಖ್‌ನಲ್ಲಿ ಶುರುವಾಗಲಿರುವ ವಿಶ್ವಕಪ್ ಹಾಕಿ ಪಂದ್ಯಾವಳಿಯ ಪ್ರಥಮ ಪಂದ್ಯದಲ್ಲಿ ಅತಿಥೇಯ ಜರ್ಮನಿಯ ವಿರುದ್ಧ ಭಾರತ ತಂಡ ಸೆಣಸಲಿದೆ.

೧೯೭೫ರ ವಿಶ್ವಕಪ್‌ನಲ್ಲಿ ಚಾಂಪಿಯನ್ ಆಗಿದ್ದ ಭಾರತ ಈ ಬಾರಿ ಕಠಿಣ ಸವಾಲನ್ನು ಎದುರಿಸಬೇಕಾಗಿದೆ. ಹೊಸ ಕೋಚ್ ವಿ. ಭಾಸ್ಕರನ್ ಹಾಗೂ ನಾಯಕ ದಿಲೀಪ್ ಟಿರ್ಕೆ ಉತ್ತಮ ಪ್ರದರ್ಶನ ನೀಡುವ ಭರವಸೆಯನ್ನು ತೋರಿದ್ದಾರೆ.

ಆಕಸ್ಮಿಕ ಗುಂಡೇಟಿಂದ ಗಾಯಗೊಂಡು ಚಿಕಿತ್ಸೆ ಪಡೆಯುತ್ತಿರುವ ಸಂದೀಪ್ ಸಿಂಗ್ ಬದಲು ಕರ್ನಾಟಕ ಪ್ರತಿಭೆ, ಕಾರ್ನರ್ ಸ್ಪೆಷಲಿಸ್ಟ್ ರಘುನಾಥ್ ಆಯ್ಕೆಯಾಗಿದ್ದಾರೆ.

ಬುಧವಾರ ನಡೆಯುವ ಇನ್ನೊಂದು ಪಂದ್ಯದಲ್ಲಿ ಅರ್ಜೆಂಟಿನಾ ಚಾಂಪಿಯನ್ಸ್ ಟ್ರೋಫಿ ವಿಜೇತ ಹಾಲೆಂಡ್ ತಂಡವನ್ನು ಎದುರಿಸಲಿದೆ.

ಇನ್ನಷ್ಟು