Downloads

Wallpapers

Vikrantakarnataka Weekly

Saturday, 25 November 2006 04:59 PM

ಎಫ್-೧:ಅಲ್ಸಾನೋಗೆ ಹೊಸ ಜೋಡಿಯಾಗಿ ಹ್ಯಾಮಿಲ್ಟನ್

ಇಂಗ್ಲೆಂಡ್: ಫಾರ್ಮೂಲಾ -೧ ಇತಿಹಾಸದಲ್ಲಿ ಮೊದಲ ಕಪ್ಪು ಜನಾಂಗದ ಡ್ರೈವರನ್ನು ಪರಿಚಯಿಸುತ್ತಿದೆ ಮಕ್ಲೆರನ್ ಮರ್ಸಿಡೀಜ್ ತಂಡ.

ಎರಡು ಬಾರಿಯ ಎಫ್-೧ ಚಾಂಪಿಯನ್ ಫರ್ನಾಂಡೋ ಅಲಾನ್ಸೊ ಜೊತೆಗೆ ಬ್ರಿಟನ್ ದೇಶದ ಲಿವಿಸ್ ಹ್ಯಾಮಿಲ್ಟನ್ ಮುಂದಿನ ವರ್ಷದಿಂದ ರೇಸ್ ಕಣಕ್ಕೆ ಇಳಿಯಲಿದ್ದಾರೆ. ಈ ಮೂಲಕ ಕಪ್ಪು ಜನಾಂಗದ ಯುವಕ ಒಬ್ಬ ಮೊದಲ ಬಾರಿಗೆ ಎಫ್-೧ ಚಾಲಕನಾಗಿ ಕಾಣಿಸಿಕೊಳ್ಳಲಿದ್ದಾರೆ.
 

`ಫಾರ್ಮೂಲಾ ಒನ್ ರೇಸ್ ಚಾಲಕನಾಗುವುದು ನನ್ನ ಕನಸಾಗಿತ್ತು. ಆ ಕನಸು ಈಗ ನನಸಾಗಿದೆ. ಅದೂ ಮೆಕ್ಲೆರನ್ ಇಂತಹ ಖ್ಯಾತ ಸಂಸ್ಥೆಯ ಮೂಲಕ ಎಫ್-೧ ರೇಸ್‌ಗೆ ಪ್ರವೇಶ ದೊರೆಯುತ್ತಿರುವುದು ನನ್ನ ಸೌಭಾಗ್ಯ' ಎಂದು ೨೧ ವರ್ಷದ ಹ್ಯಾಮಿಲ್ಟನ್ ಪ್ರತಿಕ್ರಿಯಿಸಿದ್ದಾರೆ.

ಫಾರ್ಮೂಲಾ ಒನ್ ರೇಸ್ ತಂಡಗಳಲ್ಲಿ ಹೊಸ ಸೇರ್ಪಡೆ, ತಂಡದಿಂದ ತಂಡಕ್ಕೆ ಡ್ರೈವರ್‌ಗಳು ಹಾರುವುದು ಸಾಮಾನ್ಯ ವಿಷಯ. ಮುಂದಿನ ಋತುವಿನ ರೇಸ್‌ನಲ್ಲಿ ರೆನೋ ತಂಡವನ್ನು ತೊರೆದು ಚಾಂಪಿಯನ್ ಫರ್ನಾಂಡೋ ಅಲಾನ್ಸೋ ಮೆಕ್ಲೆರನ್ ತಂಡವನ್ನು ಸೇರುತ್ತಿದ್ದಾರೆ. ಹಾಗಾಗಿ ಮುಂದಿನ ರೇಸ್‌ನಲ್ಲಿ ಮೆಕ್ಲೆರನ್ ತಂಡ ಇಬ್ಬರು ಹೊಸ ಚಾಲಕರೊಂದಿಗೆ ಕಣಕ್ಕಿಳಿಯಲಿದೆ.

ಫಿನ್ ಲ್ಯಾಂಡ್‌ನ ಕಿಮಿ ರೈಕೊನೆನ್ ಫೆರಾರಿ ತಂಡ ಸೇರಲಿದ್ದಾರೆ. ಹೈಕಿ ಕೊವಲೈನೆನ್ ರೆನೋ ತಂಡದೊಂದಿಗೆ ಮೊದಲ ರೇಸ್ ಅನುಭವ ಪಡೆಯಲಿದ್ದಾರೆ.

ಇನ್ನಷ್ಟು

Print this page

Email this Page

ಮುಖಪುಟ