Downloads

Wallpapers

Vikrantakarnataka Weekly

Thursday, 16 November 2006 12:47 PM

ಸಚಿನ್-ಕಾಂಬ್ಳಿ ದಾಖಲೆ ಧ್ವಂಸ

ಹೈದರಾಬಾದ್: ಹೈದಾರಬಾದಿನ ಸೈಂಟ್ ಪೀಟರ್ಸ್ ಪ್ರೌಢಶಾಲೆಯ ಬಿ. ಮನೋಜ್ ಕುಮಾರ್ ಹಾಗೂ ಮಹಮ್ಮದ್ ಶಹಬಾಜ್ ತಾಂಬಿ ಅಜೇಯ ೭೨೧ ರನ್‌ಗಳ ಜೊತೆಯಾಟದಲ್ಲಿ ಪಾಲ್ಗೊಂಡು ಸಚಿನ್ ಹಾಗೂ ವಿನೋದ್ ಕಾಂಬ್ಳಿ ಅವರ ಶಾಲಾ ದಿನದ ದಾಖಲೆಯ ಜೊತೆಯಾಟವನ್ನು ಮುರಿದಿದ್ದಾರೆ.
 

ಬೊವೆನ್‌ಪಳ್ಳಿಯ ಸೈಂಟ್ ಪೀಟರ್ಸ್ ಪ್ರೌಢಶಾಲೆ ಹಾಗೂ ಸೈಂಟ್ ಫಿಲಿಫ್ ಪ್ರೌಢಶಾಲೆ ನಡುವೆ ನಡೆದ ೧೩ ವರ್ಷ ವಯೋಮಿತಿ ಒಳಗಿನವರ ಪಂದ್ಯಾವಳಿಯಲ್ಲಿ ಸೈಂಟ್ ಪೀಟರ್ಸ್ ಪ್ರೌಢಶಾಲೆ ೭೦೦ ರನ್‌ಗಳ ಬೃಹತ್ ಅಂತರದ ಜಯ ಗಳಿಸಿತು. ಸೈಂಟ್ ಫಿಲಿಫ್ ಪ್ರೌಢಶಾಲೆ ಕೇವಲ ೨೧ ರನ್ ಗಳಿಸಿ ಸೋಲನ್ನು ಒಪ್ಪಿಕೊಂಡಿತು.
 

ಶಹಬಾಜ್ ತಾಂಬಿ ಅಜೇಯ ೩೨೪ ಹಾಗೂ ಮನೋಜ್ ಕುಮಾರ್ ಅಜೇಯ ೩೨೦ ರನ್ ಗಳಿಸಿದರು. ಸೈಂಟ್ ಪೀಟರ್ಸ್ ಪ್ರೌಢಶಾಲೆಯ ಪರ ಅಕ್ರಮ್ ೧೧ ರನ್ನಿತ್ತು ೭ ವಿಕೆಟ್ ಕಬಳಿಸಿದರು.
 

ಸೈಂಟ್ ಪೀಟರ್ಸ್ ಪ್ರೌಢಶಾಲೆಯ ತಂಡ ೪೦ ಓವರ್ ಗಳಲ್ಲಿಗಳಿಸಿದ ೭೨೧ ರನ್‌ಗಳು ಕೂಡ ದಾಖಲೆ ಸೇರಲಿದೆ. ಈವರೆಗೂ ಉತ್ತರ ಕ್ಯಾಲಿಫೋರ್ನಿಯಾ ಲೀಗ್‌ನಲ್ಲಿ ತಂಡವೊಂದು ೪೫ ಓವರ್‌ಗಳಲ್ಲಿ ಗಳಿಸಿದ ೬೩೦/೫ ರನ್‌ಗಳು ದಾಖಲೆಯಾಗಿತ್ತು.
 

೧೯೮೭-೮೮ ರಲ್ಲಿ ವಿನೋದ್ ಕಾಂಬ್ಳಿ ಹಾಗೂ ಸಚಿನ್ ತೆಂಡೂಲ್ಕರ್ ಶಾರದಾಶ್ರಮ ಶಾಲೆಯ ಪರ ಗಳಿಸಿದ್ದ ೬೬೪ ರ ಜೊತೆಯಾಟ ಈವರೆಗೂ ದಾಖಲೆಯಾಗಿ ಉಳಿದಿತ್ತು.

ಇನ್ನಷ್ಟು

Print this page

Email this Page

ಮುಖಪುಟ