ಹಿಂದೆ ಶಿವಮೊಗ್ಗದಲ್ಲೇ ಏಳೆಂಟು ವರ್ಷಗಳ ಕಾಲ ವಾಸವಾಗಿದ್ದ ನಿಸಾರ್ ಅಹ್ಮದ್ ಈಗ ಅಲ್ಲಿ ನಡೆಯಲಿರುವ ಸಾಹಿತ್ಯ ಸಮ್ಮೇಳನಾಧ್ಯಕ್ಷರಾಗಿ ಆಯ್ಕೆಯಾಗಿರುವುದಕ್ಕೆ ಸಂತಸ ವ್ಯಕ್ತಪಡಿಸಿದ್ದಾರೆ. ವಿಕ್ರಾಂತ ಕರ್ನಾಟಕದೊಂದಿಗೆ ಅವರು ತಮ್ಮ ಸಂತಸ ಹಂಚಿಕೊಂಡದ್ದು ಹೀಗೆ :

• ಶಿವಮೊಗ್ಗದ ಪರಿಸರ ನನ್ನ ಅಧ್ಯಯನಕ್ಕೆ ಪೂರಕವಾಗಿತ್ತು. ಹಾಗೆ ನೋಡಿದರೆ ನನ್ನ ಉತ್ತಮ ಕೃತಿಗಳು, ನಿತ್ಯೋತ್ಸವ ಪದ್ಯವನ್ನೂ ಅಲ್ಲೇ ಬರೆದೆ.

• ಸಾಹಿತ್ಯ ಸಮ್ಮೇಳನಕ್ಕೆ ಅಧ್ಯಕ್ಷನಾಗಿ ಸರ್ವಾನುಮತದಿಂದ ಆಯ್ಕೆಯಾಗಿರುವುದಕ್ಕೆ ತುಂಬ ಖುಷಿಯಾಯಿತು.

• ಅದರಲ್ಲೂ ಸುವರ್ಣ ಕರ್ನಾಟಕ ವರ್ಷದಲ್ಲಿ ನಾನು ಅಧ್ಯಕ್ಷನಾಗಿರುವುದು ನನ್ನ ಅದೃಷ್ಟ.

• ೯೦ ವರ್ಷದ ಇತಿಹಾಸದಲ್ಲಿ ಅಲ್ಪಸಂಖ್ಯಾತನೊಬ್ಬ ಅಧ್ಯಕ್ಷನಾಗುತ್ತಿರುವುದು ಇದೇ ಮೊದಲು

• ಅಧ್ಯಕ್ಷ ಭಾಷಣದಲ್ಲಿ ಹಲವಾರು ವಿಚಾರಗಳನ್ನು ಮಂಡಿಸಬೇಕೆಂಬ ಉದ್ದೇಶವಿದೆ. ಅದರಲ್ಲಿ ಮುಖ್ಯವಾದುದು ಗಡಿ ಸಮಸ್ಯೆ. ಮಹಾಜನ್ ವರದಿಯನ್ನು ಒಪ್ಪದೇ ಇದ್ದಲ್ಲಿ ಪ್ರತಿಭಟನೆಗೆ ಕರೆ. ಅಗತ್ಯ ಬಿದ್ದರೆ ಗೋಕಾಕ್ ಮಾದರಿ ಚಳವಳಿಗೂ ಸಿದ್ಧ.

• ಕನ್ನಡದ ಮುಲಭೂತ ಸಮಸ್ಯೆಗಳ ಕುರಿತು ಮಾತನಾಡುತ್ತೇನೆ.

• ಕನ್ನಡಕ್ಕೆ ಈಗ ಕಾಡುತ್ತಿರುವ ತಬ್ಬಲಿತನ ಮತ್ತು ಭಾಷಾ ಸಮಸ್ಯೆ ನನ್ನನ್ನು ಕಾಡುತ್ತಿದೆ. ಆ ಬಗ್ಗೆ ಉಲ್ಲೇಖಿಸುವ ಯೋಜನೆ ಇದೆ.