DD to telecast Serials based on Kannada Novels

Monday, 04 September 2006 04:45 PM

ಡಿಡಿಯಲ್ಲಿ ಚಿದಂಬರ ರಹಸ್ಯ, ಕುಸುಮಬಾಲೆ, ಓಂ ಣಮೋ

ಬೆಂಗಳೂರು: ಕನ್ನಡ ಸಾಹಿತ್ಯವನ್ನು ಪ್ರೋತ್ಸಾಹಿಸುವ ನಿಟ್ಟಿನಲ್ಲಿ ದೂರದರ್ಶನವು ಕಾದಂಬರಿ ಆಧಾರಿತ ಧಾರಾವಾಹಿಗಳನ್ನು ಮಾಡಲು ಮುಂದಾಗಿದೆ.

ಪೂರ್ಣಚಂದ್ರತೇಜಸ್ವಿಯವರ ಬಹುಜನಪ್ರಿಯ ಕಾದಂಬರಿಯಾದ �ಚಿದಂಬರ ರಹಸ್ಯ�, ದೇವನೂರು ಮಹಾದೇವರವರ �ಕುಸುಮ ಬಾಲೆ�, ಶಾಂತಿನಾಥ ದೇಸಾಯಿಯವರ �ಓಂ ಣಮೋ� ಈಗ ದೂರದರ್ಶನ ಆರಿಸಿಕೊಂಡಿರುವ ಪ್ರಮುಖ ಕಾದಂಬರಿಗಳಾಗಿವೆ.

ಕಾದಂಬರಿ ಆಧಾರಿತ ಧಾರಾವಾಹಿಗಳು ಆಗಸ್ಟ್ ೭ ರಿಂದ ಪ್ರತಿ ದಿನ ರಾತ್ರಿ ೮ ರಿಂದ ೮:೩೦ರವರೆಗೆ ಪ್ರಸಾರವಾಗಲಿದೆ. ಚಂದನ ವಾಹಿನಿಯ ಮೂಲಕ ಈ ಧಾರಾವಾಹಿಗಳು ೫೪ ದೇಶಗಳಲ್ಲಿ ಏಕಕಾಲದಲ್ಲಿ ಪ್ರಸಾರವಾಗಲಿದೆ.

ಧಾರಾವಾಹಿಗಳನ್ನು ನಿರ್ದೇಶಿಸುವ ಹೊಣೆಯನ್ನು ಖ್ಯಾತ ನಟ, ನಿರ್ದೇಶಕ ಗಿರೀಶ್ ಕಾರ್ನಾಡ್ ಮತ್ತು ಚೈತನ್ಯ ಕೆ. ಎಂ. ವಹಿಸಿಕೊಂಡಿದ್ದಾರೆ. �ಭಾರತ ಕಲೆ�ಗಳನ್ನು ಪ್ರೋತ್ಸಾಹಿಸುವ ದೂರದರ್ಶನದ ಕಾರ್ಯಕ್ರಮದಲ್ಲಿ ಇದು ಒಂದು ಭಾಗವೆಂದು ದೂರದರ್ಶನದ ನಿರ್ದೇಶಕ ಮಹೇಶ್ ಜೋಶಿ ಮಾಧ್ಯಮದವರಿಗೆ ತಿಳಿಸಿದ್ದಾರೆ.

ಮುಖಪುಟ