Downloads

Wallpapers

Vikrantakarnataka Weekly

Thursday, 21 December 2006 12:36 AM

ಹೊರಗೂ ಮಳೆ ಒಳಗೂ ಮಳೆ

ಏನಿದು ಹೊರಗೂ ಮಳೆ ಒಳಗೂ ಮಳೆ ಅಂತೀರಾ? ಅದು ನಮ್ಮ ರಘುನಾಥ ಚ. ಹ ರವರ ಚೊಚ್ಚಲ ಕಥಾಸಂಕಲನ.
 

(ರಘುನಾಥ ಚನ್ನಿಗರಾಯಪ್ಪ ಹರಳಾಪುರ) ರಘುನಾಥ ಚ.ಹ ರವರು ಮೂಲತಹ ಪಟ್ಟನಾಯಕನಹಳ್ಳಿಯವರು. ಏಶಿಯನ್ ಕಾಲೇಜ್ ಆಫ್ ಜರ್ನಲಿಸಮ್ ಕಾಲೇಜಿನಲ್ಲಿ ಪತ್ರಿಕೋದ್ಯಮ ಅಧ್ಯಯನ ಮಾಡಿದ್ದಾರೆ. ಈಗ ಪ್ರಜಾವಾಣಿಯಲ್ಲಿ ಉಪಸಂಪಾದಕರಾಗಿ ಕಾರ್ಯನಿರ್ವಹಿಸುತ್ತಿದ್ದಾರೆ. ವಿಜಯಕರ್ನಾಟಕ ಕಥಾ ಸರ್ಧೆಯಲ್ಲಿ ಇವರ `ಕಾಡನಡುವಿನ ಮಳೆ' ಎಂಬ ಕಥೆಗೆ ೨ನೇ ಬಹುಮಾನ ಬಂದಿತ್ತು. ಅಷ್ಟೇ ಅಲ್ಲದೇ `ಹೊಳೆಯಲ್ಲಿ ಹರಿದ ನೀರು' ಎಂಬ ಕವನ ಸಂಕಲನವು ಈಗಾಗಲೇ ಮಾರುಕಟ್ಟೆಯಲ್ಲಿದೆ.
 

ಇದೇ ಡಿಸೆಂಬರ್ ೧೭ ಭಾನುವಾರ ಬೆಳಗ್ಗೆ ೧೦:೩೦ಕ್ಕೆ ಕನ್ನಡ ಭವನದ ನಯನ ಸಭಾಂಗಣದಲ್ಲಿ `ಹೊರಗೂ ಮಳೆ ಒಳಗೂ ಮಳೆ' ಕಥಾಸಂಕಲನವು ಲೋಕಾರ್ಪಣೆಗೊಳ್ಳಲಿದೆ.
 

ಅಷ್ಟೇ ಅಲ್ಲದೇ ಪುಸ್ತಕ ಬಿಡುಗಡೆ ಸಮಾರಂಭದ ನಂತರ `ಕಥೆಗಳ ಕಥೆಗಳು' ಎಂಬ ಸಂವಾದ ಕಾರ್ಯಕ್ರಮವನ್ನು ಸಹ ಹಮ್ಮಿಕೊಳ್ಳಲಾಗಿದೆ.
 

ಕಾರ್ಯಕ್ರಮದಲ್ಲಿ ಕಥೆಗಾರರಾದ ರಾಘವೇಂದ್ರ ಪಾಟೀಲ್, ಎಸ್. ದಿವಾಕರ್, ಅಶೋಕ ಹೆಗಡೆ, ಆನಂದ ಋಗ್ವೇದಿ, ಮಂಜುನಾಥ್ ಲತಾ ಪಾಲ್ಗೊಳ್ಳಲಿದ್ದಾರೆ.
 

ಸಂಚಯ ಸಾಹಿತ್ಯ ಪತ್ರಿಕೆಯ ಪ್ರಹ್ಲಾದ್ ಪ್ರಕಾಶನದ ಈ ಪುಸ್ತಕದ ಬೆಲೆ ೧೦೦ ರೂಪಾಯಿಗಳು ಮಾತ್ರ. ಕಾರ್ಯಕ್ರಮದಲ್ಲಿ ಪುಸ್ತಕದ ಮಾರಾಟವು ಸಹ ಇದೆ.

ಬನ್ನಿ, ರಘುನಾಥ ಚ.ಹರವರನ್ನು ಅಭಿನಂದಿಸಿ, ಪ್ರೋತ್ಸಾಹಿಸಿ ಪುಸ್ತಕವನ್ನು ಕೊಂಡು ಓದಿ.

ಕಾರ್ಯಕ್ರಮದ ಇತರ ವಿವರಗಳಿಗಾಗಿ ಸಂಪರ್ಕಿಸಿ:
ಸಂಚಯ
ನಂ. ೧೦೦, ೨ನೇ ಮುಖ್ಯರಸ್ತೆ, ೬ನೇ ಬ್ಲಾಕ್,
ಬನಶಂಕರಿ ೩ನೇ ಹಂತ, ಬೆಂಗಳೂರು-೮೫.
ದೂರವಾಣಿ : 98440 63514.

ಇನ್ನಷ್ಟು

Print this page

Email this Page

ಮುಖಪುಟ