ಇದೊಂದು ಹೊಸ ಬಗೆಯ ದೋಸೆ. ಒಳ್ಳೆಯ ವಿಷಯ ಎಂದರೆ ದೋಸೆ ಜೀರ್ಣಕಾರಿ. ಮಕ್ಕಳಿಗಾದರೆ ಸ್ವಲ್ಪ ಜೋಪಾನ. ಹೆಚ್ಚು ದೋಸೆ ತಿಂದರೆ ಹೊಟ್ಟೆ ನೋವಿನ ದೂರು ಹೇಳಬಹುದು. ಆದರೆ ರುಚಿ ರುಚಿ ದೋಸೆ ಅಪರೂಪಕ್ಕೆ ತಯಾರಿಸಿ ನೋಡಿ. ಅನುಭವಗಳನ್ನು ನಮಗೆ ಬರೀರಿ !

ಹೊಂದಿಸಿಕೊಳ್ಳಬೇಕಾದ ಸಾಮಗ್ರಿಗಳು:

ಅಕ್ಕಿ -೨ ಲೋಟ;

ತೊಗರಿಬೇಳೆ- ಕೈಹಿಡಿ ತುಂಬಾ

ತಾಜಾ ತೆಂಗಿನಕಾಯಿ ತುರಿ-೧/೪ ಲೋಟ;

ಕೆಂಪು ಮೆಣಸಿನಕಾಯಿ-೮;

ಸಣ್ಣ ನಿಂಬೆಹಣ್ಣು ಗಾತ್ರದ ಹುಣಸೆಹಣ್ಣು;

ಉಪ್ಪು - ೨ ಚಮಚ;

ಹುರಿಯಲು ಬೇಕಾಗುವಷ್ಟು ಎಣ್ಣೆ

ಸುಮಾರು ೧೫ ದೋಸೆಗಳನ್ನು ತಯಾರಿಸಬಹುದು.

ತಯಾರಿಸುವ ವಿಧಾನ:

ಅಕ್ಕಿ ಮತ್ತು ಬೇಳೆಯನ್ನು ಒಟ್ಟಿಗೆ ಸಾಕಷ್ಟು, ಬೆಚ್ಚನೆಯ ನೀರಿನಲ್ಲಿ ನೆನೆಸಿರಿ.

ಅವೆರಡನ್ನೂ ಇನ್ನಿತರ ಸಾಮಗ್ರಿಗಳನ್ನು ನುಣ್ಣಗೆ ರುಬ್ಬಿಕೊಳ್ಳಿರಿ.

೨ ಚಮಚ ನೆನೆಸಿದ ಕಡಲೆ ಬೇಳೆ ಮತ್ತು ಸ್ವಲ್ಪ ಕರಿಬೇವಿನ ಸೊಪ್ಪಿನೊಂದಿಗೆ ಹಿಟ್ಟನ್ನು ರುಬ್ಬಿಕೊಂಡ, ತಕ್ಷಣ ದೋಸೆಯನ್ನು ಮಾಡಿರಿ. ಸುಮಾರು ೧೫ ದೋಸೆಗಳನ್ನು ತಯಾರಿಸಬಹುದು.