ತಯಾರಿಸಲು ಬೇಕಾದ ಸಾಮಾಗ್ರಿಗಳು:

ಕಡಲೆಬೇಳೆ - ಒಂದೂವರೆ ಮುಷ್ಟಿಯಷ್ಟು

ಹಸಿಕೊಬ್ಬರಿ - ಅರ್ಧ ಬಟ್ಟಲು

ಹಸಿಮೆಣಸಿನಕಾಯಿ - ಸಣ್ಣ ಗಾತ್ರದ್ದು ೧೦

ಕೊತ್ತಂಬರಿಸೊಪ್ಪು - ೧ ಕಪ್

ಸಾಸಿವೆ - ಅರ್ಧ ಟೀ ಚಮಚ

ಜೀರಿಗೆ - ೧ ಟೀ ಚಮಚ

ಇಂಗು, ಉಪ್ಪು - ರುಚಿಗೆ ತಕ್ಕಷ್ಟು

ಎಣ್ಣೆ - ಒಂದೂವರೆ ಟೀ ಚಮಚ

ಅರಿಶಿನ - ೨ ಚಿಟುಕೆ

ಒಣಮೆಣಸಿನಕಾಯಿ - ೪ ಸಣ್ಣ ಗಾತ್ರದ್ದು

ಕರಿಬೇವು - ಸ್ವಲ್ಪ

ಹುಳಿಮೊಸರು - ೧೦೦ ಗ್ರಾಂ

ತರಕಾರಿ - ಬೂದಗುಂಬಳಕಾಯಿ, ಸೌತೆಕಾಯಿ, ಪಡವಲಕಾಯಿ, ಸೀಮೆಬದನೆಕಾಯಿ, ನುಗ್ಗೆಕಾಯಿ

ತಯಾರಿಸುವ ವಿಧಾನ:

ಕಡಲೆಬೇಳೆಯನ್ನು ಅರ್ಧ ಗಂಟೆಗೂ ಹೆಚ್ಚು ಕಾಲ ನೀರಿನಲ್ಲಿ ನೆನಸಿ. ಕಡಲೆಬೇಳೆ, ಜೀರಿಗೆ, ಸಾಸಿವೆ, ಇಂಗು, ಉಪ್ಪು, ಹಸಿಮೆಣಸಿನಕಾಯಿ, ಕೊತ್ತಂಬರಿಸೊಪ್ಪು, ಕಾಯಿತುರಿ, ಅರಿಶಿನ ೨ ಚುಟಿಕೆ ಈ ಎಲ್ಲವನ್ನು ಮಿಕ್ಸಿಗೆ ಹಾಕಿ ರುಬ್ಬಿಕೊಳ್ಳಿ.

ತರಕಾರಿಯನ್ನು ಬೇಯಿಸಿಕೊಂಡು ಒಗ್ಗರಣೆಯಲ್ಲಿ ಬಾಡಿಸಿರಿ. ರುಚಿಗೆ ತಕ್ಕಷ್ಟು ಉಪ್ಪು ಹಾಕಿ. ಮಿಕ್ಸಿಯಿಂದ ಮಿಶ್ರಣವನ್ನು ತೆಗೆದು ಬೆಂದ ತರಕಾರಿಯೊಡನೆ ಬೆರೆಸಿ, ಸ್ವಲ್ಪ ಕಾಲ ಬೇಯಿಸಿ.

ಮೊಸರಿಗೆ ೧ ಲೋಟ ನೀರು ಹಾಕಿ ಚೆನ್ನಾಗಿ ಕಡೆದು, ತರಕಾರಿ ಇರುವ ಪಾತ್ರೆಗೆ ಹಾಕಿ ಕುದಿಸಿರಿ.

ಹಪ್ಪಳ, ಸಂಡಿಗೆ ಅಥವಾ ಉಪ್ಪಿನಕಾಯಿಯೊಡನೆ ತಿನ್ನಲು ರುಚಿಯಾಗಿರುತ್ತದೆ.

ಇನ್ನಷ್ಟು

ಮೈಸೂರು ಪಾಕ್

ಪಲ್ಯದನ್ನ

ಜೀರಿಗೆ ಚಿತ್ರಾನ್ನ

ಬೇಸನ್ ಲಾಡು

ಮೈಸೂರು ಮಸಾಲೆ ದೋಸೆ

ಮಾವಿನಕಾಯಿ ಅಪ್ಪೆಹುಳಿ