ಕಡಲೆಬೇಳೆ ಚಟ್ನಿ

ತಯಾರಿಸಲು ಬೇಕಾದ ಸಾಮಾಗ್ರಿ:
ತೆಂಗಿನಕಾಯಿ - ೧ ಚಿಪ್ಪು
ಕಡಲೆಬೇಳೆ - ಅರ್ಧ ಪಾವು
ಒಣಮೆಣಸಿನಕಾಯಿ(ಬ್ಯಾಡಿಗೆ)- ೮ ರಿಂದ ೧೦
ರುಚಿಗೆ ತಕ್ಕಷ್ಟು ಉಪು, ಇಂಗು
ಎಣ್ಣೆ - ಎರಡೂವರೆ ಚಮಚ
ಸಾಸಿವೆ - ಒಂದೂವರೆ ಚಮಚ
ಪುದೀನ ಎಲೆ - ೨೦ ಎಲೆಗಳು
ಹುಣಿಸೆರಸ - ೨ ಟೀ ಚಮಚ

ತಯಾರಿಸುವ ವಿಧಾನ:

   ಬಾಣಲೆಯಲ್ಲಿ ಒಂದು ಚಮಚ ಎಣ್ಣೆ ಹಾಕಿ ಕಡಲೆಬೇಳೆ ಹಾಕಿ ಹುರಿಯಿರಿ. ಸ್ವಲ್ಪ ಕೆಂಪಾಗಾದಾಗ ಮೆಣಸಿನಕಾಯಿ ಹಾಕಿ ಅದು ಗರಿಗರಿಯಾಗುವ ತನಕ ಹುರಿಯಿರಿ.
ಉರಿ ಸಣ್ಣಗಿರಲಿ. ಕೊನೆಯಲ್ಲಿ ಪುದೀನ ಎಲೆಯನ್ನು ಹಾಕಿ ಸ್ವಲ್ಪ ಬಾಡಿಸಿರಿ.

ತೆಂಗಿನತುರಿ, ಉಪ್ಪು, ಇಂಗು, ಹುಣಿಸೆರಸದ ಜೊತೆಗೆ ಹುರಿದ ಸಾಮಾಗ್ರಿಯನ್ನು ಸೇರಿಸಿ
ಮಿಕ್ಸಿಗೆ ಹಾಕಿ ರುಬ್ಬಿಕೊಳ್ಳಿ. ಕಡೆಗೆ ಸಾಸಿವೆಹಾಕಿ ಒಗ್ಗರಣೆ ಮಾಡಿ ಮಿಶ್ರಣಕ್ಕೆ ಸೇರಿಸಿರಿ.

ಇನ್ನಷ್ಟು

ಮಜ್ಜಿಗೆ ಹುಳಿ

ಪಲ್ಯದನ್ನ

ಜೀರಿಗೆ ಚಿತ್ರಾನ್ನ

ಬೇಸನ್ ಲಾಡು

ಮೈಸೂರು ಮಸಾಲೆ ದೋಸೆ

ಮಾವಿನಕಾಯಿ ಅಪ್ಪೆಹುಳಿ