ಮುಂಬಯಿ : ಮಾಫಿಯಾ ಡಾನ್ ದಾವೂದ್ ಇಬ್ರಾಹಿಂ ಕೈವಾಡ ಹೊಂದಿದೆಯೆಂಬ ಕಾರಣಕ್ಕೆ ಬೃಹನ್ಮುಂಬಯಿ ಕಾರ್ಪೊರೇಶನ್ ಇಲ್ಲಿನ ಸಾರಾ ಸಹರಾ ಮತ್ತು ಮುಂಬಯಿಯ ಮಮಿನ್ ಕಾಂಪ್ಲೆಕ್ಸ್‌ಗಳನ್ನು ಕೆಡವುವ ಕಾರ್‍ಯವನ್ನಾರಂಭಿಸಿದೆ.

ಬೃಹತ್ ಪೊಲೀಸ್ ಸಮೂಹದ ಭದ್ರತೆಯ ನಡುವೆ ಬುಲ್ಡೋಜರ್‌ಗಳು ಕಟ್ಟಡಗಳನ್ನು ಕೆಡವಲಾರಂಭಿಸಿವೆ. ಈ ಕೆಡವುವ ಕಾರ್‍ಯಕ್ಕೆ ಸುಮಾರು ೨೦೦ ಸಿಬ್ಬಂದಿಗಳನ್ನು ಮೀಸಲಿರಿಸಲಾಗಿದೆ. ಸರಿಯಾದ ದಾಖಲೆ ಪತ್ರಗಳಿಲ್ಲದ ಈ ಕಟ್ಟಡಗಳು ಕಾನೂನು ಬಾಹಿರವಾಗಿವೆ ಎಂಬ ಕಾರಣಕ್ಕೆ ಅವುಗಳನ್ನು ನೆಲಸಮ ಮಾಡಲಾಗಿದೆ. ಕಳೆದ ಮೇ ತಿಂಗಳಲ್ಲಿ ಅಕ್ರಮ ಕಟ್ಟಡಗಳನ್ನು ಕೆಡವುವಂತೆ ಸುಪ್ರೀಂ ಕೋರ್ಟ್ ಆದೇಶಿಸಿರುವುದನ್ನು ಇಲ್ಲಿ ಸ್ಮರಿಸಬಹುದು.