ವಡಕ್ಕಾರ: ಉತ್ತರ ಕೇರಳದಲ್ಲಿ ೫೦,೦೦೦ ಕ್ಕೂ ಅಧಿಕ ಭಾರಿ ಗಾತ್ರದ ಬಸವನ ಹುಳುಗಳ ನಿರ್ಮೂಲನ ಕಾರ್ಯ ನಡೆದಿದೆ.

ಬೃಹತ್ ಗಾತ್ರದ ಹುಳುಗಳು ವಡಕ್ಕಾರ್‌ನ ಅಳಿಯೂರು ಗ್ರಾಮದ ಜನತೆಗೆ ತಲೆನೋವಾಗಿ ಪರಿಣಮಿಸಿದ್ದ ಕಾರಣ ಈ ಕಾರ್ಯ ಕೈಗೊಳ್ಳಲಾಗಿದೆ. ಬಸವನ ಹುಳುವಿನ ದಂಡು, ಫಸಲಿಗೆ ಬಂದ ಬೆಳೆಗಳು ಹಾಗೂ ತೆಂಗಿನ ಮರಕ್ಕೆ ಮುತ್ತಿಗೆ ಹಾಕಿ ನಾಶ ಮಾಡುತ್ತಿದ್ದವು.

ಇತ್ತೀಚೆಗೆ ಗ್ರಾಮಸ್ಥರು ಸಂಘಟಿತರಾಗಿ ೫೦,೦೦೦ ಹುಳುಗಳಿಗೆ ಮುಕ್ತಿ ತೊರಿಸಿದ್ದಾರೆ. ೩ ವರ್ಷದಿಂದ ಈ ಸಮಸ್ಯೆ ಎದುರಿಸುತ್ತಿದ್ದು ಕೃಷಿ ತಜ್ಞರು ಪರಿಹಾರ ನೀಡಲು ಅಸಮರ್ಥರಾದ ಕಾರಣ ಜನರು ಹುಳುಗಳನ್ನು ಸಂಗ್ರಹಿಸಿ ಸೀಮೆಎಣ್ಣೆ, ಉಪ್ಪು ಹಾಕಿ ಸುಡುತ್ತಿದ್ದಾರೆ ಎಂದು ಸ್ಥಳೀಯ ಮುಖಂಡ ಎಂ. ಕೆ. ಪ್ರೇಮನಾಥ್ ತಿಳಿದ್ದಾರೆ.