ಮಂಗಳವಾರ ೬:೨೫ ರಿಂದ ೬:೨೭ ರವರೆಗೆ ಮುಂಬಯಿ ಮೌನ

ಮುಂಬಯಿ: ೨೦೦ಕ್ಕೂ ಹೆಚ್ಚು ಮಂದಿಯನ್ನು ಬಲಿ ತೆಗೆದುಕೊಂಡ ಸರಣಿ ಬಾಂಬ್ ಸ್ಪೋಟದ ನಂತರದ ಪರಿಸ್ಥಿತಿಯ ಪರಿವೀಕ್ಷಣೆಗಾಗಿ ರಾಷ್ಟ್ರಪತಿ ಎ.ಪಿ.ಜೆ. ಅಬ್ದುಲ್ ಕಲಾಂ ಸೋಮವಾರದಿಂದ ಎರಡು ದಿನಗಳ ಮುಂಬಯಿ ಭೇಟಿ ಹಮ್ಮಿಕೊಂಡಿದ್ದಾರೆ.

ಸರಣಿ ಬಾಂಬ್ ಸ್ಪೋಟದಲ್ಲಿ ಮಡಿದವರ ಆತ್ಮಕ್ಕೆ ಶಾಂತಿ ಕೋರಿ ನಗರದ ಮಹೀಮ್ ರೈಲ್ವೇ ನಿಲ್ದಾಣದಲ್ಲಿ ಮಂಗಳವಾರ ಕಲಾಂ ನೇತೃತ್ವದಲ್ಲಿ ಎರಡು ನಿಮಿಷಗಳ ಮೌನಾಚರಣೆ ಮಾಡಲಾಗುವುದು.

ದುರ್ಘಟನೆಯಲ್ಲಿ ಮೃತಪಟ್ಟವರಿಗೆ ಗೌರವ ಸೂಚಿಸುವ ದೃಷ್ಟಿಯಿಂದ ಮುಂಬಯಿ ಜನತೆ ಮಂಗಳವಾರ ಸಂಜೆ ೬:೨೫ ರಿಂದ ೬:೨೭ ರವರೆಗೆ ಮೌನ ಆಚರಿಸಲಿದೆ.