೩೦ ವರ್ಷಗಳ ಅವಧಿಯ ಯೋಜನೆ ಸಂಪೂರ್ಣ

ಗುಲ್ಬರ್ಗ: ಬರ ಪೀಡಿತ ಗುಲ್ಬರ್ಗ ಜಿಲ್ಲೆಗೆ ನೀರುಣಿಸುವ ಉದ್ದೇಶದಿಂದ ನಿರ್ಮಿಸಲಾಗಿರುವ ೩೧೫ ಕೋಟಿ ಮೊತ್ತದ ಬೆಣ್ಣೆತೊರಾ ನೀರಾವರಿ ಯೋಜನೆಯನ್ನು ಮುಖ್ಯಮಂತ್ರಿ ಹೆಚ್. ಡಿ. ಕುಮಾರಸ್ವಾಮಿ ದೇಶಕ್ಕೆ ಸಮರ್ಪಿಸಿದ್ದಾರೆ.

೧೯೭೨ ರಲ್ಲಿ ಶುರುವಾದ ಈ ಯೋಜನೆ ಅನೇಕ ಸರ್ಕಾರಗಳನ್ನು ಕಂಡಿದೆ. ಭಾನುವಾರ ಗುಲ್ಬರ್ಗಕ್ಕೆ ಮೊದಲಬಾರಿ ಭೇಟಿ ನೀಡಿದ ಮುಖ್ಯಮಂತ್ರಿ ಬೆಣ್ಣೆತೊರಾ ಜಲಾಶಯಕ್ಕೆ ಬಾಗಿನವನ್ನು ಅರ್ಪಿಸಿದರು.

ಈ ಯೋಜನೆಯಿಂದ ಚಿತ್ತಾಪುರ ಹಾಗೂ ಸೇಡಂ ತಾಲೂಕಿನ ೫೦,೦೦೦ ಎಕರೆ ಭೂಮಿಗೆ ನೀರುಣಿಸಬಹುದು. ಸದ್ಯಕ್ಕೆ ೨೦,೦೦೦ ಎಕರೆಗೆ ಬಳಸಿಕೊಳ್ಳಲಾಗುವುದು. ನಂತರ ಕಾಲುವೆಗಳ ದುರಸ್ತಿಯಾದ ಮೇಲೆ ಉಳಿದ ಜಮೀನಿಗೆ ನೀರು ಒದಗಿಸಲಾಗುವುದು.