ಬಾಂಬ್‌ಸ್ಫೋಟದ ಹಿಂದೆ ಪಾಕ್ ಕೈವಾಡ

ನವದೆಹಲಿ: ಮುಂಬಯಿಯಲ್ಲಿ ನಡೆದ ಸರಣಿ ಬಾಂಬ್‌ಸ್ಫೋಟದಲ್ಲಿ ಪಾಕಿಸ್ಥಾನದ ಕೈವಾಡವಿರುವುದು ಮನವರಿಕೆಯಾಗಿದ್ದು, ಜುಲೈ ೨೧ರಂದು ನಡೆಯಬೇಕಾಗಿದ್ದ ಭಾರತ ಮತ್ತು ಪಾಕಿಸ್ತಾನ ನಡುವಿನ ಕಾರ್‍ಯದರ್ಶಿಗಳ ಮಟ್ಟದ ಮಾತುಕತೆಯನ್ನು ರದ್ದುಪಡಿಸಲಾಗಿದೆ.

ಜುಲೈ ೧೧ರಂದು ನಡೆದ ಬಾಂಬ್‌ಸ್ಫೋಟದಲ್ಲಿ ೨೨೯ ಮಂದಿ ಸಾವನ್ನಪ್ಪಿದ್ದು, ೭೭೦ ಮಂದಿ ಗಂಭೀರವಾಗಿ ಗಾಯಗೊಂಡಿದ್ದರು. ಆದರೆ ಈ ಕೃತ್ಯದಲ್ಲಿ ತನ್ನದೇನೂ ಪಾತ್ರವಿಲ್ಲಎಂದು ಪಾಕಿಸ್ತಾನ ಸತತವಾಗಿ ಹೇಳುತ್ತಲೇ ಬಂದಿದ್ದು, ಈ ಕುರಿತ ತನಿಖೆಗೆ ತಾನೂ ಸಹಕರಿಸುವುದಾಗಿ ಪಾಕ್ ಭರವಸೆಯನ್ನೂ ನೀಡಿತ್ತು.