|
೨೦೩೦ರೊಳಗೆ ಚಂದ್ರನಲ್ಲಿ ನೆಲೆ - ಜಪಾನ್ ಯೋಜನೆ
ಟೋಕಿಯೋ: ಚಂದ್ರ ಗ್ರಹದ ಮೇಲೆ ವಾಸಸ್ಥಳ ಸ್ಥಾಪಿಸುವ ಉದ್ದೇಶವನ್ನು
ಹೊಂದಿರುವುದಾಗಿ ಜಪಾನ್ನ ವೈಮಾನಿಕ ಸಂಸ್ಥೆ ಪ್ರಕಟಿಸಿದೆ.
ಜಪಾನ್ ಚಂದ್ರಯಾನ ಹಾಗೂ ಅಂತರಿಕ್ಷ ನೌಕಾಯಾನದ ಮುಖ್ಯಸ್ಥ ಜುನಿಚಿರೋ
ಕವಾಗುಚಿ ಇಲ್ಲಿ ನಡೆದ ಸಮ್ಮೇಳನವೊಂದರಲ್ಲಿ ಮಾತನಾಡುತ್ತಾ ಚಂದ್ರ ಗ್ರಹಕ್ಕೆ
ಗಗನಯಾತ್ರಿಗಳನ್ನು ೨೦೨೦ರ ಒಳಗೆ ಕಳುಹಿಸಲಾಗುವುದು, ೨೦೩೦ ರ ಒಳಗೆ ಚಂದ್ರನಲ್ಲಿ
ನೆಲೆಯನ್ನು ಸ್ಥಾಪಿಸಲಾಗುವುದು ಎಂದರು.
ಈ ಯೋಜನೆಯು ಇನ್ನೂ ಚರ್ಚೆಯ ಹಂತದಲ್ಲಿದ್ದು ಜಪಾನ್ ಅಂತರಿಕ್ಷ
ಸಂಶೋಧನಾ ಕೇಂದ್ರ(ಜೆಎಎಕ್ಸ್ಎ) ಯೋಜನೆಗೆ ಹಣವನ್ನು ಮಂಜೂರು ಮಾಡಿಲ್ಲ.
ಯೋಜನೆಗೆ ೩ ಟ್ರಿಲಿಯನ್ ಯೆನ್(೨೬ ಬಿಲಿಯನ್ ಡಾಲರ್) ಗಳು ವೆಚ್ಚವಾಗುವ ಸಾಧ್ಯತೆಯಿದೆ.
ಜಪಾನ್ನ ಯೋಜನೆಯ ಬಗ್ಗೆ ಈಗಾಗಲೇ ಇತರ ದೇಶಗಳು ಅಚ್ಚರಿ ವ್ಯಕ್ತಪಡಿಸಿವೆ.
ಯೋಜನೆಯ ಮೊದಲ ಹಂತವಾಗಿ ಮುಂದಿನ ವರ್ಷದೊಳಗೆ ಉಪಗ್ರಹವೊಂದನ್ನು ಚಂದ್ರನೆಡೆಗೆ
ಕಳುಹಿಸಲಾಗುವುದು ಎಂದು ಕವಾಗುಚಿ ಹೇಳಿದ್ದಾರೆ. |
