ನವದೆಹಲಿ : ದೇಶದ ೧೩ ರಾಜ್ಯಗಳಲ್ಲಿ ತಲೆದೋರಿರುವ ಎಡಪಂಥೀಯ ಬಂಡಾಯಕೋರರನ್ನು ದಮನ ಮಾಡಲು ಸುಮಾರು ೧೪ ಸಾವಿರ ಸಿಬ್ಬಂದಿಗಳಿರುವ ವಿಶೇಷ ನಕ್ಸಲ್ ವಿರೋಧಿ ದಳವನ್ನು ಮುಂದಿನ ವರ್ಷದೊಳಗೆ ಕೇಂದ್ರ ಸರಕಾರ ಸಿದ್ಧಗೊಳಿಸುವ ನಿರೀಕ್ಷೆಯಿದೆ.

ಕೇಂದ್ರ ಪ್ಯಾರಾ ಮಿಲಿಟರಿಯ ೯ ಸಾವಿರ ಸಿಬ್ಬಂದಿ ಮತ್ತು ರಾಜ್ಯ ಪೊಲೀಸ್ ಪಡೆಯಿಂದ ೫ ಸಾವಿರ ಪೊಲೀಸರು ಹಾಗೂ ಸ್ಫೋಟಕಗಳನ್ನು ಹೊಂದಿರುವ ಉಗ್ರರೊಡನೆ ಕಾದಾಡಿದ ಅನುಭವವುಳ್ಳ ಮಾಜಿ ಸೈನಿಕರನ್ನು ಈ ನಕ್ಸಲ್ ವಿರೋಧಿ ದಳದಲ್ಲಿ ಸೇರಿಸಿಕೊಳ್ಳುವ ನಿರೀಕ್ಷೆಯಿದೆ.