ಪ್ರಧಾನಿ ಕಾರ್ಯಕ್ರಮಕ್ಕೆ ಮಳೆಯ ಅಡ್ಡಿ

ಭುವನೇಶ್ವರ: ಎರಡು ದಿನ ಒರಿಸ್ಸಾದ ಪ್ರವಾಸದಲ್ಲಿರುವ ಪ್ರಧಾನಿ ಮನ ಮೋಹನ ಸಿಂಗ್ ಕಾರ್ಯಕ್ರಮಕ್ಕೆ ಮಳೆಯು ತೊಂದರೆಯನ್ನು ತಂದಿದೆ. ಮಳೆಯ ಕಾರಣ ಅಂಗುಲ್‌ನ ಕನಿಹದಲ್ಲಿನ ಅಣು ಉಷ್ಣ ಸ್ಥಾವರ ಘಟಕಕ್ಕೆ ಭೇಟಿ ಮಾಡಲು ಸಾಧ್ಯವಾಗಲಿಲ್ಲ.

ಮುಂಜಾನೆ ೧೦:೪೫ ರ ಸುಮಾರಿಗೆ ಇಲ್ಲಿನ ಬಿಜೂ ಪಟ್ನಾಯಿಕ್ ವಿಮಾನ ನಿಲ್ದಾಣಕ್ಕೆ ಬಂದಿಳಿದ ಪ್ರಧಾನಿಯನ್ನು ಮಳೆಯು ಸ್ವಾಗತಿಸಿತು.

ಐಎಅಫ್ ಹೆಲಿಕಾಪ್ಟರ್ ನಿಂದ ಕನಿಹಗೆ ಹೋಗಬೇಕಾಗಿದ್ದ ಪ್ರಧಾನಿ ಪ್ರತಿಕೂಲ ಹವಾಮಾನದಿಂದಾಗಿ ವಿಮಾನ ನಿಲ್ದಾಣದಲ್ಲೇ ಒಂದು ಗಂಟೆಗೂ ಅಧಿಕ ಕಾಲ ಕಾಯಬೇಕಾಯಿತು.