ಕ್ಯಾಲೆಂಡರ್, ಚಾಟಿಂಗ್ ಮತ್ತು ವೆಬ್ಸೈಟ್ ಡಿಸೈನ್ ತಂತ್ರಜ್ಞಾನ
ನ್ಯೂಯಾರ್ಕ್ : ಹುಡುಕಾಟದಿಂದ ಹೊರತಾಗಿ
ಅಂದರೆ ಸರ್ಚ್ ತಂತ್ರಜ್ಞಾನಕ್ಕಿಂತ ಭಿನ್ನವಾಗಿ ಗೂಗ್ಲ್.ಕಾಂ ವಿಶೇಷ
ತಂತ್ರಜ್ಞಾನ ಪ್ಯಾಕೇಜ್ಗಳನ್ನು ಘೋಷಿಸಲಿದೆ.
ವಾಣಿಜ್ಯ ವಲಯದಲ್ಲಿರುವ ಬಳಕೆದಾರರಿಗೆ ಅನುಕೂಲವಾಗುವಂತೆ
ಈ-ಮೇಯ್ಲ್, ಕ್ಯಾಲೆಂಡರ್ ಮತ್ತು ಚಾಟಿಂಗ್ ಪ್ರೋಗ್ರಾಂ ಹಾಗೂ ಕಂಪೆನಿಗಳಿಗೆ
ವಿಶೇಷ ವೆಬ್ಸೈಟ್ ಅಭಿವೃದ್ಧಿ ಪಡಿಸುವ ಉಪಕರಣವನ್ನು ಗೂಗ್ಲ್
ಅಭಿವೃದ್ಧಿ ಪಡಿಸಲಿದೆ.
ಆರಂಭದಲ್ಲಿ ಈ ಪ್ಯಾಕೇಜ್ಗಳನ್ನು ಉಚಿತವಾಗಿ ನೀಡಲಾಗುವುದು.
ಮುಂದಿನ ದಿನಗಳಲ್ಲಿ ಕಂಪೆನಿಗಳಿಗೆ ಪೂರಕ ತಂತ್ರಜ್ಞಾನವನ್ನು ಸಮಗ್ರವಾಗಿ
ತಯಾರಿಸಿ ಮಾರುಕಟ್ಟೆಗೆ ಒದಗಿಸುವ ಯೋಜನೆ ಗೂಗ್ಲ್ ಮುಂದಿದೆ.
ಈಗಾಗಲೇ ಚಾಲ್ತಿಯಲ್ಲಿರುವ ಜಿ-ಮೇಯ್ಲ್ಗೆ ಜಾಹೀರಾತುಗಳನ್ನು
ತೆಗೆದುಕೊಳ್ಳಲಾಗುತ್ತಿದೆ. ಆದರೆ ಹೊಸದಾಗಿ ಆರಂಭಿಸುವ ಇತರೆ
ಯೋಜನೆಗಳಿಗೆ ಜಾಹೀರಾತುಗಳನ್ನು ತೆಗೆದುಕೊಳ್ಳಲಾಗುವುದಿಲ್ಲ
ಎಂದು ಗೂಗ್ಲ್ನ ಉಪಾಧ್ಯಕ್ಷ ಮತ್ತು ಮುಖ್ಯ ವ್ಯವಸ್ಥಾಪಕ ಡೇವ್
ಗಿರೋಅರ್ಡ್ ತಿಳಿಸಿದ್ದಾರೆ.