ಬೆಂಗಳೂರು : ಬಾಲಕಿಯರಿಗೆ ಬೈಸಿಕಲ್ ಕೊಡಿಸಿದ ಮುಖ್ಯಮಂತ್ರಿ ಕುಮಾರ ಸ್ವಾಮಿ ಮೇಲೆ ಬಾಲಕರು ಮುನಿಸಿಕೊಳ್ಳಬೇಕಿಲ್ಲ. ಬಾಲಕರಿಗೆ ಮುಂದಿನ ವರ್ಷ ಬೈಸಿಕಲ್ ಕೊಡಿಸುವುದಾಗಿ ಮುಖ್ಯಮಂತ್ರಿಗಳು ಭರವಸೆ ನೀಡಿದ್ದಾರೆ.

ಸರಕಾರಕ್ಕೆ ಗ್ರಾಮೀಣ ಹೆಣ್ಣುಮಕ್ಕಳ ಏಳಿಗೆಯ ಬಗ್ಗೆ ಕಾಳಜಿ ಹೊಂದಿದ್ದು, ಅವರ ಶಿಕ್ಷಣಕ್ಕೆ ಅನುಕೂಲವಾಗುವಂತೆ ಈ ವರ್ಷ ಸೈಕಲ್ ಕೊಡಿಸಲಾಗಿದೆ. ಅಲ್ಲದೆ ಬಡತನ ರೇಖೆಗಿಂತ ಕೆಳಗಿರುವ ಕುಟುಂಬದಲ್ಲಿ ಹೆಣ್ಣು ಮಗುವಿನ ಜನನವಾದಲ್ಲಿ ಆ ಮಗುವಿನ ಹೆಸರಲ್ಲಿ ೧೦ ಸಾವಿರ ರೂಪಾಯಿ ಠೇವಣಿ ಇರಿಸುವ ಯೋಜನೆಯನ್ನು ಸರಕಾರ ಆರಂಭಿಸಿದೆ.