ವಿವಾದ ಸೃಷ್ಟಿಸಲಿರುವ ಖಾಸಗೀಕರಣ ಪ್ರಕರಣ

ಬೆಂಗಳೂರು: ನಗರಾಭಿವೃದ್ಧಿ ಇಲಾಖೆ ಆದೇಶದಂತೆ ಗ್ರೇಟರ್ ಬೆಂಗಳೂರು ಜಲ ಸಂಪನ್ಮೂಲ ಹಾಗೂ ಒಳ ಚರಂಡಿ ವ್ಯವಸ್ಥೆ ಯೋಜನೆಯ ಪರವಾನಿಗಿ ಇಂಗ್ಲೆಂಡ್ ಮೂಲದ ಖಾಸಗಿ ಸಂಸ್ಥೆಗೆ ದೊರೆತಿದೆ.

ಬೊಮ್ಮನಹಳ್ಳಿ, ಬ್ಯಾಟರಾಯನಪುರ, ದಾಸರಹಳ್ಳಿ, ಕೆಆರ್‌ಪುರಂ, ಮಹದೇವಪುರ, ರಾಜರಾಜೇಶ್ವರಿ ನಗರ, ಯಲಹಂಕ ಮತ್ತು ಕೆಂಗೇರಿ ಪುರಸಭೆಯ ವ್ಯಾಪ್ತಿಗೆ ನೀರು ಸರಬರಾಜು ಮಾಡುವ ಹೊಣೆಯನ್ನು ಬೆಂಗಳೂರು ಜಲಸರಬರಾಜು ಹಾಗೂ ಒಳಚರಂಡಿ ಮಂಡಳಿಯು ಖಾಸಗಿ ಸಂಸ್ಥೆಗೆ ವಹಿಸಿದೆ.

ಈ ನಡುವೆ ಜಲ ಸರಬರಾಜು ಖಾಸಗಿಕರಣದ ವಿರುದ್ಧ ಜಲಮಂಡಳಿಯ ನೌಕರರ ಧರಣಿ ನಡೆಸಿದ್ದರು. ಪುರಸಭೆಯ ಅನೇಕ ಮಂದಿ ನಾಗರೀಕರು ಖಾಸಗೀಕರಣದ ವಿರುದ್ಧ ಜಾಥಾ ನಡೆಸಿದ್ದರು. ಈ ಹಿನ್ನೆಲೆಯಲ್ಲಿ ಜಲಮಂಡಳಿಯ ಖಾಸಗೀಕರಣ ವಿವಾದಕ್ಕೆ ತುತ್ತಾಗುವ ನಿರೀಕ್ಷೆಯಲ್ಲಿದೆ.