-೧-

ಬೇಳಿ ಹುಳಿ ವಾಸನೆಯ ಹುಡುಗಿಯರ

ಮನ ಕೆಡಿಸಿ ಮರ್ತ್ಸ್ಯಗಂಧಿಯರ ಮಾಡಬಯಸಿದ

ಬೆವರ ವಾಸನೆಯ ಹುಡುಗ

ಕೊನೆಗೆ ಮಣ್ಣಲ್ಲಿ ಒಂದಾಗಿ

ನಿನ್ನ ಗೋರಿಯ ಮೇಲೆ ಸಸಿ ಹುಟ್ಟಿ

ಅವರ ತುರುಬಿಗೆ ಹೂವಾದವು.

ಹೂವ ಸುಗಂಧವೇ ಬೇರೆ.

             -೨-

ವರ್ಣಗಳಲ್ಲಿ ಭೇದ ಕಂಡು ಕನಲಿದ ಹುಡುಗ

ಎಲ್ಲ ಬಣ್ಣಗಳ ಕಲಸಿ ಒಂದು ಮಾಡುವೆನೆಂದ

ಕಪ್ಪು ಕತ್ತಲೆ ಸೀಳಿ ಬೆಳಕು ಮೂಡುವ ಮೊದಲು

ಕಾಡಿನ ಹಾದಿ ತಿಳಿಯದೆ ಬಳಲಿದ

ಕಂದು ಬಣ್ಣದ ಕುದುರೆ ಏರಿ ಮಾಯವಾದ.

ಖುರ ಪುಟದ ಪ್ರತಿಧ್ವನಿ ಮಾತ್ರ ಸ್ಪಷ್ಟ.

         -೩-

ಹೊತ್ತು ಮುಳುಗಿದ ಮೇಲೆ

ಕಾಡಿನ ಗೀಜಗನ ಗೂಡಲ್ಲಿ

ಕೊಳಲುಲಿತ

ಕಶ್ಮರೆಯಾದ ಕೃಷ್ಣನ ಶೇಷ

         -೪-

ಭಾಗವತರಿಗೆ ಪ್ರೀತಿ ಬಾಲಕೃಷ್ಣನ ಲೀಲೆ

ಗೋಕುಲದ ಹುಡುಗಿಯರ ಕಣ್ಣು ಸುಂದರಾಂಗನ ಮೇಲೆ

ಆಸಕ್ತರಿಗೆ ಗೀತೋಪದೇಶ ಮಾಲೆ

ಸಾವು ಕರೆದಾಗ ಬಿಟ್ಟು ಹೊರಟವನ ಕಂಡು

ಎಲ್ಲರೆದೆಯಲ್ಲಿ ಮರುಕದ ಜಲಧಾರೆ.