Friday, 01 September 2006 03:31 PM

ಅಸ್ಸಾಂ: ಉಲ್ಫಾ ವಿರುದ್ಧ ಸೈನಿಕ ಕಾರ್‍ಯಾಚರಣೆ ಸ್ಥಗಿತ

ನವದೆಹಲಿ : ನಿಷೇಧಿತ ಉಲ್ಫಾ ಉಗ್ರರ ವಿರುದ್ಧ ನಡೆಯುತ್ತಿದ್ದ ಸಮರಕ್ಕೆ ಸೈನಿಕ ಕಾರ್‍ಯಾಚರಣೆಯನ್ನು ಸ್ಥಗಿತಗೊಳಿಸಲಾಗಿದೆ.

ಅಸ್ಸಾಂನಲ್ಲಿ ಕಳೆದ ಏಳು ದಿನಗಳಿಂದ ಹಲವಾರು ಬಾಂಬ್ ಸ್ಫೋಟಗೊಂಡಿದ್ದವು.  ಕನಿಷ್ಠ ಪಕ್ಷ ೧೨ ಮಂದಿ ಈ ಸ್ಫೋಟಗಳಿಗೆ ಬಲಿಯಾಗಿದ್ದಾರೆ.  ರಾಜ್ಯದಲ್ಲಿ ಶಾಂತಿ ಸ್ಥಾಪಿಸುವ ನಿಟ್ಟಿನಲ್ಲಿ ಕಾರ್‍ಯಾಚರಣೆಯನ್ನು ನಿಲ್ಲಿಸಲಾಗಿದೆ.

ಸೈನಿಕ ಕಾರ್‍ಯಾಚರಣೆಯನ್ನು ನಿಲ್ಲಿಸುವ ಮೂಲಕ ಉಲ್ಫಾ ಉಗ್ರರ ಪ್ರಮುಖ ಬೇಡಿಕೆಯನ್ನು ನೆರವೇರಿಸಿದಂತಾಗಿದೆ. ಅಸ್ಸಾಂನಲ್ಲಿ ಉಗ್ರರ ದಾಳಿ ಹೆಚ್ಚುತ್ತಿರುವುದನ್ನು ಗಮನಿಸಿದ ಸರಕಾರ ಸ್ವಾತಂತ್ರ್ಯ ದಿನದ ಹಿನ್ನೆಲೆಯಲ್ಲಿ ಶಾಂತಿ ಕಾಪಾಡುವುದಕ್ಕೋಸ್ಕರ ಸೈನಿಕ ಕಾರ್‍ಯಾಚರಣೆಯನ್ನು

ನಿಲ್ಲಿಸಲಾಗಿದೆ ಎಂದು ಪ್ರಕಟಿಸಿದೆ.

 ಅಲ್ಲದೆ ಮುಂದಿನ ವಾರ ಉಲ್ಫಾ ಉಗ್ರರ ಜೊತೆಗೆ ಸರಕಾರ ಶಾಂತಿ ಮಾತುಕತೆಗಳನ್ನು ಆರಂಭಿಸಲಿದೆ. ಆದ್ದರಿಂದ ಬಾಂಬ್‌ದಾಳಿಯನ್ನು ನಿಲ್ಲಿಸುವಂತೆಯೂ ಸರಕಾರ ಉಗ್ರರ ಬಳಿ ಮನವಿ ಮಾಡಿಕೊಂಡಿದೆ.

Print this page

Email this Page

ಮುಖಪುಟ