ಬೆಂಗಳೂರು: ಡಾ.ರಾಜ್ ಶಿಲ್ಪವನ್ನು ಟೌನ್ ಹಾಲ್ ಬಳಿ ಸ್ಥಾಪಿಸುವ ಬೆಂಗಳೂರು ಮಹಾನಗರ ಪಾಲಿಕೆಯ ಯೋಜನೆಯಲ್ಲಿ ಅಪಸ್ವರಗಳು ಕಾಣಿಸಿವೆ.

ಕರ್ನಾಟಕ ಶಿಲ್ಪಕಲಾ ಅಕಾಡೆಮಿಯ ನಿರ್ದೇಶಕ ವೆಂಕಟಾಚಲಪತಿ ಪ್ರಕಾರ ಶಿಲ್ಪಕಲಾ ಉದ್ಯಾನವನದಲ್ಲಿ ರಾಜ್ ಪ್ರತಿಮೆಯನ್ನು ಸ್ಥಾಪಿಸುವ ಯೋಜನೆ ಸರಕಾರಕ್ಕಿದೆ. ಆದರೆ ಈ ನಡುವೆ ಟೌನ್ ಹಾಲ್ ಬಳಿಯೂ ರಾಜ್ ಶಿಲ್ಪ ಸ್ಥಾಪಿಸುವ ಯೋಜನೆ ಸರಿಯಲ್ಲ. ರಾಜ್ ಕುಮಾರ್ ಬಗ್ಗೆ ನಮಗೆ ಅಪಾರ ಗೌರವವಿದೆ. ಆದರೆ ಶಿಲ್ಪ ಸ್ಥಾಪನೆಯ ಬಗ್ಗೆ ಸರಿಯಾದ ಆದೇಶ ಬಂದಿಲ್ಲವೆಂದು ಅಕಾಡೆಮಿಯ ವೆಂಕಟಾಚಲಪತಿ ಹೇಳಿದ್ದಾರೆ.

ಈ ನಡುವೆ ಬಿಜೆಪಿಯ ಸಂಸದ ಅನಂತ್ ಕುಮಾರ್ ಎನ್ .ಆರ್. ಕಾಲೋನಿಯಲ್ಲಿ ನಡೆದ ಸಮಾರಂಭದಲ್ಲಿ ಮಾತನಾಡುತ್ತಾ ಎನ್.ಆರ್.ಕಾಲೋನಿಯಲ್ಲಿ ಡಾ.ರಾಜ್ ಶಿಲ್ಪವನ್ನು ಸ್ಥಾಪಿಸಲಾಗುವುದು ಎಂದು ಹೇಳಿರುವುದು ಮತ್ತಷ್ಟು ಗೊಂದಲಕ್ಕೆಡೆ ಮಾಡಿದೆ.

ಪೂರಕ ಓದಿಗೆ

ಕಲಾಕ್ಷೇತ್ರದ ಬಳಿ ಶಿಲ್ಪಕಲಾ ಉದ್ಯಾನ ಸ್ಥಾಪನೆ