`ಮಾವುತರಿಂದ ದಸರಾ ಉದ್ಘಾಟಿಸಿ�

ಮೈಸೂರು ಜಿಲ್ಲಾ ಉಸ್ತುವಾರಿ ಸಚಿವರು ಅಗಸ್ಟ್ ೧೫ ರ ಒಳಗೆ ನಾಗರಹೊಳೆಯ ಬುಡಕಟ್ಟು ಜನಾಂಗದ ಸಮಸ್ಯೆಗೆ ಪರಿಹಾರವನ್ನು ನೀಡದಿದ್ದರೆ ದಸರಾ ದಿನದಂದು ಧರಣಿ ನಡೆಸುವುದಾಗಿ ಗಿರಿಜನ ಸಂಸ್ಥೆಯ ಸಂಯೋಜಕ ಎಂ.ಬಿ. ಪ್ರಭು ಎಚ್ಚರಿಕೆ ನೀಡಿದ್ದಾರೆ.

ಸುದ್ದಿಗಾರರಿಗೆ ಭಾನುವಾರ ಈ ವಿಷಯ ತಿಳಿಸಿದ ಪ್ರಭು ನೂರಾರು ಗಿರಿಜನರು ದಸರಾ ವೇಳೆಯಲ್ಲಿ ಮಾವುತರಾಗಿ, ದಿನಗೂಲಿ ಕೆಲಸಗಾರರಾಗಿ ದುಡಿಯುತ್ತಾರೆ. ಕೆಲವರನ್ನು ತಾತ್ಕಾಲಿಕವಾಗಿ ಮಾತ್ರ ಸೇವೆಗೆ ಬಳಸಿಕೊಳ್ಳುತ್ತಿದ್ದಾರೆ ಯಾವುದೇ ರೀತಿಯ ಸೌಲಭ್ಯವನ್ನು ಅವರಿಗೆ ನೀಡಿಲ್ಲ ಎಂದು ದೂರಿದ್ದಾರೆ.

ನಾಗಪುರ ಗ್ರಾಮದಲ್ಲಿ ಜನರಿಗೆ ಪುನರ್ವಸತಿ ಕಲ್ಪಿಸುವುದಾಗಿ ಹೇಳಿದ ಸರ್ಕಾರ ಈ ವಿಷಯದಲ್ಲಿ ನಿರ್ಲಕ್ಷ್ಯ ತೋರುತ್ತಿದೆ. ಇಲ್ಲಿನ ಆಶ್ರಮದ ಶಾಲೆಗಳಿಗೆ ಶಿಕ್ಷಕರಿಲ್ಲ, ಅಡುಗೆ ಮಾಡುವವರು, ವಾರ್ಡನ್‌ಗಳು ಈ ಸ್ಥಾನವನ್ನು ಆಗಾಗ ತುಂಬುತ್ತಿದ್ದಾರೆ ಎಂದು ಪ್ರಭು ಸಮಸ್ಯೆಯ ಚಿತ್ರಣ ನೀಡಿದರು.