Monday, 04 September 2006 04:46 PM

ಕಲಾಕ್ಷೇತ್ರದ ಬಳಿ ಶಿಲ್ಪಕಲಾ ಉದ್ಯಾನ ಸ್ಥಾಪನೆ

ಬೆಂಗಳೂರು: ಪುರಭವನ ಹಾಗೂ ರವೀಂದ್ರ ಕಲಾಕ್ಷೇತ್ರದ ನಡುವೆ ಇರುವ ಎರಡು ಎಕರೆ ವಿಸ್ತೀರ್ಣದ ಜಾಗದಲ್ಲಿರುವ ಉದ್ಯಾನವನದಲ್ಲಿ ಶಿಲ್ಪಕಲಾ ಕೃತಿಗಳು ತಲೆದೋರಲಿವೆ.

ಸುವರ್ಣ ಕರ್ನಾಟಕದ ಮಹೋತ್ಸವದ ಅಂಗವಾಗಿ ಸುಮಾರು ೨೦ ಕೋಟಿ ವೆಚ್ಚದಲ್ಲಿ ಕನ್ನಡ ಸಂಸ್ಕೃತಿ ಇಲಾಖೆ ಹಾಗೂ ಕರ್ನಾಟಕ ಶಿಲ್ಪಕಲಾ ಅಕಾಡೆಮಿ ಸಂಯುಕ್ತವಾಗಿ ಈ ಉದ್ಯಾನವನವನ್ನು ನಿರ್ಮಿಸುತ್ತಿದೆ.

ಕನ್ನಡ ಮತ್ತು ಸಂಸ್ಕೃತಿ ಇಲಾಖೆಯ ಆಯುಕ್ತ ಕೆ. ಎಸ್. ನಿರಂಜನ್ ಸುದ್ದಿಗಾರರೊಂದಿಗೆ ಮಾತನಾಡುತ್ತಾ ಶಿಲ್ಪಕಲೆಗಳ ಜೊತೆಗೆ ಕನ್ನಡ ಪುಸ್ತಕ ಪ್ರಾಧಿಕಾರದಿಂದ ಹೊಸ ಪುಸ್ತಕ ಮಳಿಗೆ, ಹೊಸ ಉಪಹಾರ ಗೃಹವನ್ನು ತೆರಯಲಾಗುವುದು ಎಂದರು.

ಕೇಂದ್ರ ಕಚೇರಿಯು ಯೋಜನೆಗೆ ೮ ಲಕ್ಷ ಸಹಾಯಧನ ನೀಡಿದೆ. ಉದ್ಯಾನವನದ ಉಸ್ತುವಾರಿಯನ್ನು ಕೆನರಾ ಬ್ಯಾಂಕ್ ವಹಿಸಿಕೊಳ್ಳುವ ಸಾಧ್ಯತೆಯಿದೆ. ಉದ್ಯಾನವನಕ್ಕೆ ಸಾರ್ವಜನಿಕರಿಗೆ ಮುಕ್ತ ಪ್ರವೇಶವಿರುತ್ತದೆ.

ಬೆಂಗಳೂರು ಮಹಾನಗರ ಪಾಲಿಕೆ ನಿರ್ಮಿಸಲಿರುವ ಡಾ.ರಾಜ್ ಪುತ್ತಳಿಯನ್ನು ಉದ್ಯಾನವನದ ಸಮೀಪದಲ್ಲಿ ಇರಿಸುವ ಸಾಧ್ಯತೆಯಿದೆ.

Print this page

ಮುಖಪುಟ

Email : feedback@vikrantakarnataka.com