Downloads

Wallpapers

Vikrantakarnataka Weekly

Sunday, 17 December 2006 04:11 PM

ರಾಜ್ಯದ ಮೇಲೆ ಚುನಾವಣಾ ಆಯೋಗದ ದೂರು

ಬೆಂಗಳೂರು: ಸ್ಥಳೀಯ ಚುನಾವಣೆ ನಡೆಸಲು ಕರ್ನಾಟಕ ರಾಜ್ಯ ಸರ್ಕಾರ ಅನಗತ್ಯ ವಿಳಂಬ ಮಾಡುತ್ತಿದೆ ಎಂದು ಚುನಾವಣಾ ಆಯೋಗ ರಾಜ್ಯಪಾಲರಲ್ಲಿ ದೂರು ಸಲ್ಲಿಸಿದೆ.
 

ಸಂವಿಧಾನದ ಪ್ರಕಾರ ಅವಧಿ ಮುಗಿಯುವ ಮುನ್ನವೇ ಚುನಾವಣೆ ನಡೆಸ ಬೇಕು ಆದರೆ ಈಗಾಗಲೇ ಆರು ಮಹಾನಗರ ಪಾಲಿಕೆ ಮತ್ತು ೨೦೭ ನಗರ ಸರ್ಕಾರಿ ಸಂಸ್ಥೆಗಳ ಅಧಿಕಾರವಧಿ ಮುಗಿದಿದೆ. ರಾಜ್ಯ ಸರ್ಕಾರ ಸರಿಯಾಗಿ ಪ್ರತಿಕ್ರಿಯಿಸುತ್ತಿಲ್ಲ ಎಂದು ಚುನಾವಣಾ ಆಯುಕ್ತರು ರಾಜ್ಯ ಪಾಲರಿಗೆ ವಿವರಣೆ ನೀಡಿದ್ದಾರೆ.
 

`ಚುನಾವಣೆ ಸಂಬಂಧ ಸರಕಾರಕ್ಕೆ ಹಲವು ಬಾರಿ ಪತ್ರ ಬರೆದರೂ ಸರಕಾರದಿಂದ ಯಾವುದೇ ರೀತಿಯ ಉತ್ತರ ಬಂದಿಲ್ಲ. ಚುವಾವಣೆಯ ವಿಷಯವಾಗಿ ವಿಭಾಗೀಯ ಮಟ್ಟದಲ್ಲಿ ಜಿಲ್ಲಾಧಿಕಾರಿಗಳ ಸಭೆ ನಡೆಸಲಾಗಿದೆ. ಮತದಾರರ ಪಟ್ಟಿ ಸಿದ್ಧ ಪಡಿಸಲಾಗಿದೆ.
 

೧೫೦ ಸಂಸ್ಥೆಗಳ ವಾರ್ಡ್ ಮರುವಿಂಗಡಣೆ ಪೂರ್ತಿಯಾಗಿದೆ. ಆದರೆ ಮೀಸಲು ಕ್ಷೇತ್ರವನ್ನು ನಿಗದಿಗೊಳಿಸುವ ಸರ್ಕಾರದ ಕೆಲಸ ಇನ್ನೂ ಆಗಿಲ್ಲ. ಅದೊಂದೇ ಈಗ ಬಾಕಿ ಇರುವ ಕೆಲಸವಾಗಿದೆ' ಎಂದು ರಾಜ್ಯ ಚುನಾವಣಾ ಆಯುಕ್ತ ಎಂ. ಆರ್. ಹೆಗಡೆ ಶನಿವಾರ ರಾಜ್ಯಪಾಲ ಟಿ.ಎನ್. ಚತುರ್ವೇದಿಯವರನ್ನು ರಾಜಭವನದಲ್ಲಿ ಭೇಟಿಯಾಗಿ ಮಾತುಕತೆ ನಡೆಸಿದರು.
 

ಇನ್ನಷ್ಟು

Print this page

Email this Page

ಮುಖಪುಟ