Downloads

Wallpapers

Vikrantakarnataka Weekly

Friday, 15 December 2006 04:25 PM

ಝಂಕ್ ಆಹಾರ ಕೋಲಾಗಳ ಮೇಲೆ ನಿರ್ಬಂಧ?

ನವದೆಹಲಿ: ರಾಷ್ಟ್ರದಾದ್ಯಂತ ಶಾಲಾ ಆವರಣಗಳಲ್ಲಿ ಝಂಕ್ ಆಹಾರ ಮತ್ತು ಕೋಲಾಗಳನ್ನು ನಿಷೇಧಿಸುವ ಬಗ್ಗೆ ಕೇಂದ್ರ ಸರ್ಕಾರ ಗಂಭೀರವಾಗಿ ಚಿಂತಿಸುತ್ತಿದೆ.
 

`ಮಕ್ಕಳ ಆರೋಗ್ಯದ ಮೇಲೆ ಝಂಕ್ ಆಹಾರ ಮತ್ತು ಕೋಲಾ ವಿಪರೀತ ದುಷ್ಪರಿಣಾಮವನ್ನು ಉಂಟುಮಾಡುತ್ತಿದೆ. ಆದ್ದರಿಂದ ಝಂಕ್ ಆಹಾರ ಮತ್ತು ಕೋಲಾಗಳನ್ನು ಶಾಲಾ ಆವರಣದಲ್ಲಿ ನಿಷೇಧಿಸಲು ಬಯಸುತ್ತೇವೆ' ಎಂದು ಕೇಂದ್ರ ಆರೋಗ್ಯ ಸಚಿವ ರಾಮ್‌ದಾಸ್ ಹೇಳುತ್ತಾರೆ.
 

`ಈ ನಿಷೇಧವನ್ನು ಜಾರಿ ತರುವ ಬಗ್ಗೆ ಈಗಾಗಲೇ ಕೇಂದ್ರ ಮಾನವ ಸಂಪನ್ಮೂಲ ಸಚಿವಾಲಯದ ಜೊತೆ ಮಾತುಕತೆ ನಡೆಸಿಯಾಗಿದೆ. ಅಲ್ಲದೆ ಕೋಲಾ-ಝಂಕ್ ಆಹಾರಗಳ ದುಷ್ಪರಿಣಾಮಗಳನ್ನು ಮಕ್ಕಳಿಗೆ ತಿಳಿ ಹೇಳುವ ಕಾರ್ಯಕ್ರಮವನ್ನೂ ಹಮ್ಮಿಕೊಳ್ಳಲಾಗುತ್ತದೆ' ಎಂದು ರಾಮ್‌ದಾಸ್ ವಿವರಿಸಿದರು.
 

ಈ ವಿಷಯವನ್ನು ಚರ್ಚಿಸಲು ಮುಂದಿನ ವಾರ ರಾಜ್ಯ ಆರೋಗ್ಯ ಸಚಿವಾಲಯದ ಪ್ರತಿನಿಧಿಗಳ ಸಭೆ ಕರೆಯಲಾಗಿದೆ.
 

`ಒಮ್ಮಿಂದೊಮ್ಮೆಲೆ ಈ ನಿಷೇಧವನ್ನು ಜಾರಿತರಲಾಗದು. ಇನ್ನೂ ನಿಷೇಧ ಉಲ್ಲಂಘಿಸಿದ ಶಾಲೆಗಳಿಗೆ ಯಾವ ರೂಪದ ದಂಡ ವಿಧಿಸಬೇಕು ಎನ್ನುವ ವಿಷಯಗಳನ್ನೆಲ್ಲ ಚರ್ಚಿಸಬೇಕಾಗಿದೆ' ಎಂದು ರಾಮ್‌ದಾಸ್ ತಿಳಿಸಿದರು.

ಇನ್ನಷ್ಟು

Print this page

Email this Page

ಮುಖಪುಟ