Downloads

Wallpapers

Vikrantakarnataka Weekly

Friday, 24 November 2006 02:52 PM

ಡಿ.೧ರಂದು ಸುವರ್ಣ ಸಾವಯವ ಹಬ್ಬ

ಚಿಕ್ಕಮಗಳೂರು: `ಸುವರ್ಣ ಸಾವಯವ ಹಬ್ಬ-೨೦೦೬' ಡಿ. ೧ ಮತ್ತು ೨ರಂದು ಮೂಡಿಗೆರೆಯ ಹೊಯ್ಸಳ ಕ್ರೀಡಾಂಗಣದಲ್ಲಿ ನಡೆಯಲಿದೆ ಎಂದು ಶಾಸಕ ಎಂ. ಪಿ. ಕುಮಾರಸ್ವಾಮಿ ತಿಳಿಸಿದ್ದಾರೆ.
 

ರೈತರಲ್ಲಿ ಜೈವಿಕ ಕೃಷಿಯ ಬಗ್ಗೆ ಜಾಗೃತಿ ಮೂಡಿಸಲು ಮತ್ತು ಅವುಗಳನ್ನು ಅಳವಡಿಸಿಕೊಳ್ಳುವಂತೆ ಉತ್ತೇಜಿಸುವುದು ಈ ಹಬ್ಬದ ಉದ್ದೇಶ ಎಂದು ಪತ್ರಿಕಾಗೋಷ್ಠಿಯಲ್ಲಿ ತಿಳಿಸಿದರು.
 

`ಚೈತನ್ಯ ಕೃಷಿ', `ಹೋಮ', ಪ್ರದರ್ಶನಗಳು ಸುವರ್ಣ ಸಾವಯವ ಹಬ್ಬದ ಆಕರ್ಷಣೆಗಳಾಗಲಿವೆ. ಇದೇ ಸಂದರ್ಭದಲ್ಲಿ ಸಾಂಪ್ರದಾಯಿಕ ಕೃಷಿ ಪ್ರದರ್ಶನವನ್ನೂ ಏರ್ಪಡಿಸಲಾಗುವುದು. ಕೃಷಿ ಮತ್ತು ತೋಟಗಾರಿಕಾ ಸಚಿವರು ಸೇರಿದಂತೆ ಅನೇಕ ತಜ್ಞರು, ಅನುಭವಿಗಳು ಕಾರ್ಯಾಗಾರಗಳನ್ನು ನಡೆಸಿ ಕೊಡಲಿದ್ದಾರೆ.
 

ಡಾ. ಚಂದ್ರಶೇಖರ ಅವರು `ಜೈವಿಕ ಕೃಷಿಯಲ್ಲಿ ಹೋಮ ಚಿಕಿತ್ಸೆ', ಡಾ. ವಿಜಯಂಗಡಿಯವರು `ಸುಲಭ ವಿಧಾನದ ಮಿಶ್ರ ಬೇಸಾಯ' ವಾರಣಾಸಿ ಕೃಷ್ಣಮೂರ್ತಿಯವರು `ತೋಟಗಾರಿಕಾ ಬೆಳೆಗಳು' ಎ. ಪಿ. ಚಂದ್ರಶೇಖರ ಮತ್ತು ಡಾ. ಕುಮಾರ್ ಅವರು `ಕೃಷಿ ಉತ್ಪನ್ನಗಳ ರಫ್ತು' ಎನ್ನುವ ವಿಷಯಗಳ ಮೇಲೆ ಮಾತನಾಡಲಿದ್ದಾರೆ ಎಂದು ಶಾಸಕ ಕುಮಾರಸ್ವಾಮಿ ತಿಳಿಸಿದರು.

ಇನ್ನಷ್ಟು

Print this page

Email this Page

ಮುಖಪುಟ