Downloads

Wallpapers

Vikrantakarnataka Weekly

Friday, 24 November 2006 03:39 PM

ಉಪಗ್ರಹ ಸಂರಕ್ಷಣೆಗೆ ವಿಮೆ: ಮಾಧವನ್ ನಾಯರ್

ಬೆಂಗಳೂರು: ಭಾರತದಿಂದ ಉಡಾವಣೆಗೊಳ್ಳುವ ಉಪಗ್ರಹಗಳಿಗೆ ವಿಮಾ ವ್ಯವಸ್ಥೆ ಮಾಡಿದರೆ ಚೆನ್ನ ಎಂದು ಭಾರತೀಯ ಅಂತರಿಕ್ಷ ಸಂಶೋಧನ ಕೇಂದ್ರದ ಅಧ್ಯಕ್ಷ ಜಿ. ಮಾಧವನ್ ನಾಯರ್ ಹೇಳಿದ್ದಾರೆ.
 

ರಾಷ್ಟ್ರೀಯ ವಿಮಾ ಕಂಪೆನಿ ಲಿಮಿಟೆಡ್ ಆಯೋಜಿಸಿದ್ದ ಗ್ರಾಹಕರ ಮೇಳವನ್ನು ಉದ್ಘಾಟಿಸಿ ಮಾತನಾಡಿದ ಮಾಧವನ್ ನಾಯರ್ `ಉಪಗ್ರಹಗಳ ಉಡಾವಣೆ ವೈಫಲ್ಯ ಹೆಚ್ಚಾಗುತ್ತಿರುವುದರಿಂದ ಉಪಗ್ರಹಗಳಿಗೆ ವಿಮಾ ಸೌಲಭ್ಯವನ್ನು ಒದಗಿಸಲು ವಿಮಾ ಕಂಪೆನಿಗಳು ಮುಂದಾಗಬೇಕು. ಮುಂಬರುವ ವರ್ಷಗಳಲ್ಲಿ ೪ ರಿಂದ ೬ ಉಪಗ್ರಹವನ್ನು ಉಡಾವಣೆ ಮಾಡಲಿರುವುದರಿಂದ ವಿಮಾ ಸೌಲಭ್ಯದ ಅಗತ್ಯತೆಯ ಹೆಚ್ಚು ಪ್ರಸ್ತುತ ಎನಿಸಿದೆ' ಎಂದು ಇಸ್ರೋ ಅಧ್ಯಕ್ಷರು ಹೇಳಿದರು.
 

ಇತ್ತೀಚಿನ ಜಿಎಸ್‌ಎಲ್‌ವಿ ವೈಫಲ್ಯದ ನಂತರ ವಿಮೆ ಮಾಡಿಸುವುದರ ಬಗ್ಗೆ ಚಿಂತನೆ ನಡೆದಿದೆ. ಆದರೆ ಭಾರತದಲ್ಲಿ ಈ ವರೆಗೂ ಅಗಿರುವ ಉಡಾವಣಾ ವೈಫಲ್ಯ ಅಂತರರಾಷ್ಟ್ರೀಯ ಮಟ್ಟದಲ್ಲಿ ತುಲನೆ ಮಾಡಿದರೆ ಶೇ. ೧೦ ರಷ್ಟು ಮಾತ್ರ ಎಂದು ಹೇಳಬಹುದು.
 

ಇದೇ ಸಂದರ್ಭದಲ್ಲಿ ಕೋರಮಂಗಲ ಹಾಗೂ ಇಂಟರ್ ನ್ಯಾಷನಲ್ ಟೆಕ್ ಪಾರ್ಕ್‌ನಲ್ಲಿರುವ ರಾಷ್ಟ್ರೀಯ ವಿಮಾ ಸಂಸ್ಥೆಯ ವಿಭಾಗದ ವ್ಯವಸ್ಥಾಪಕರು ಐಎಸ್‌ಓ ೯೦೦೧:೨೦೦೦ ಪ್ರಮಾಣ ಪತ್ರವನ್ನು ನಾಯರ್ ಅವರಿಂದ ಪಡೆದರು.

ಇನ್ನಷ್ಟು

Print this page

Email this Page

ಮುಖಪುಟ