Downloads

Wallpapers

Vikrantakarnataka Weekly

Friday, 24 November 2006 06:24 PM

ಹೊಸ ಮಹಾಭಾರತಕ್ಕೆ ಹೊಸ ಪ್ರತಿಭೆಗಳ ಹುಡುಕಾಟ

ಪಣಜಿ: ಚಿತ್ರ ನಿರ್ಮಾಪಕ ಬಾಬ್ಬಿ ಬೇಡಿ ಮತ್ತು ಕೊಲೈಡಿಸ್ಕೋಪ್ ಎಂಟರ್‌ಟೈನ್‌ಮೆಂಟ್ ಮಹಾಭಾರತದ ಮೆಗಾ ಧಾರವಾಹಿಯನ್ನು ನಿರ್ಮಿಸಲಿದೆ. ಇದಕ್ಕೆ ನಟರನ್ನು ಹುಡುಕಲು ನಾಲ್ಕು ತಿಂಗಳ ಪ್ರತಿಭಾನ್ವೇಷಣೆ ನಡೆಸಲಿದೆ. `ಈ ಯೋಜನೆ ೩೦೦ರಿಂದ ೪೦೦ ಕೋಟಿ ರೂ. ವೆಚ್ಚದಲ್ಲಿ ಮೂರುವರೆ ವರ್ಷ ನಡೆಯಲಿದೆ. ಭಾರತೀಯ ಮನೋರಂಜನಾ ಕ್ಷೇತ್ರದಲ್ಲಿ ಹೊಸ ಪ್ರತಿಭೆಗಳ ಕೊರತೆ ಇದೆ ಮತ್ತು ಮಹಾಭಾರತದಂಥ ಪೌರಾಣಿಕ ಕಥೆಗೆ ಅನೇಕ ಪಾತ್ರಗಳ ಅಗತ್ಯವಿದೆ. ಆದ್ದರಿಂದ ಪಾತ್ರಗಳ ಆಯ್ಕೆ ಮಾಡಲು ಈ ಪ್ರತಿಭಾನ್ವೇಷಣೆ ಕಾರ್ಯಕ್ರಮವನ್ನು ಹಮ್ಮಿಕೊಳ್ಳಲಾಗಿದೆ' ಎಂದು ಬೇಡಿ ಹೇಳುತ್ತಾರೆ.
 

ವಿಶೇಷವೇನೆಂದರೆ ದೇಶದಾದ್ಯಂತ ನಡೆಯಲಿರುವ ಈ ಪ್ರತಿಭಾನ್ವೇಷಣೆಯಲ್ಲಿ ಪೌರಾಣಿಕ ಪಾತ್ರವಾದ `ಅಪ್ಸರೆ'ಗಳನ್ನು ಆಯ್ಕೆ ಮಾಡಲು ಸೌಂದರ್ಯ ಸ್ಪರ್ಧೆ ಏರ್ಪಡಿಸಲಾಗುತ್ತಿದೆ.
 

ಇದಲ್ಲದೆ ಮಹಾಭಾರತವನ್ನು ಕುರಿತ ಅನಿಮೇಶನ್ ಮತ್ತು ಚಿತ್ರಗಳನ್ನುಳ್ಳ ಪುಸ್ತಕಗಳ ನಿರ್ಮಾಣ ಕೂಡಾ ಯೋಜನೆಯ ಭಾಗವಾಗಿದೆ.
 

`ಮಂಗಲ ಪಾಂಡೆ' `ಬ್ಯಾಂಡಿಟ್ ಕ್ವೀನ್', `ಮಕ್ಬೂಲ್'ಗಳಂತಹ ಉತ್ತಮ ಚಿತ್ರಗಳನ್ನು ಬಾಬ್ಬಿ ಬೇಡಿ ನಿರ್ಮಿಸಿದ್ದಾರೆ.

ಇನ್ನಷ್ಟು

Print this page

Email this Page

ಮುಖಪುಟ