Downloads

Wallpapers

Vikrantakarnataka Weekly

Monday, 20 November 2006 12:33 PM

ಪರೀಕ್ಷೆಯಲ್ಲಿ ಪಾಸಾದ `ಪೃಥ್ವಿ-೨' ಕ್ಷಿಪಣಿ

ಬಾಲಸೋರ್, ಒರಿಸ್ಸಾ: ನೆಲದಿಂದ ನೆಲಕ್ಕೆ ಹಾರುವ `ಪೃಥ್ವಿ-೨' ಕ್ಷಿಪಣಿಯನ್ನು ಭಾನುವಾರ ಒರಿಸ್ಸಾದ ಚಾಂದಿಪುರದಲ್ಲಿರುವ ರಕ್ಷಣಾ ನೆಲೆಯಲ್ಲಿ ಯಶಸ್ವಿಯಾಗಿ ಪರೀಕ್ಷಿಸಲಾಯಿತು.
 

ಅಣ್ವಸ್ತ್ರ ಸಾಮರ್ಥ್ಯದ ಈ ಕ್ಷಿಪಣಿಯನ್ನು ಬೆಳಗ್ಗೆ ೯.೫೫ಕ್ಕೆ ಸಂಚಾರಿ ಉಡಾವಕದ ಮೂಲಕ ಉಡಾಯಿಸಲಾಯಿತು. `ಪೃಥ್ವಿ-೨'ರ ಯೋಜನಾ ನಿರ್ದೇಶಕ ವಿ. ಸಾರಸ್ವತ್, ಹೈದರಾಬಾದ್‌ನ ರಕ್ಷಣಾ ಸಂಶೋಧನೆ ಮತ್ತು ಅಭಿವೃದ್ಧಿ ಪ್ರಯೋಗಾಲಯದ ನಿರ್ದೇಶಕ ಡಾ. ಪ್ರಹ್ಲಾದ್ ಸೇರಿದಂತೆ ರಕ್ಷಣಾ ಖಾತೆಯ ಹಲವು ಅಧಿಕಾರಿಗಳು `ಪೃಥ್ವಿ-೨' ರ ಉಡಾವಣೆಯನ್ನು ವೀಕ್ಷಿಸಿದರು.
 

ಯುದ್ಧ ಭೂಮಿಯಲ್ಲಿ ಶತ್ರುಗಳ ವಿರುದ್ಧ ಪ್ರಯೋಗಿಸಲೆಂದೇ ವಿಶೇಷವಾಗಿ ಈ ಕ್ಷಿಪಣಿಯನ್ನು ರೂಪಿಸಲಾಗಿದೆ. `ಪೃಥ್ವಿ-೨' ೨೫೦ ರಿಂದ ೩೫೦ ಕಿ.ಮೀ ದೂರದ ವರೆಗಿನ ಗುರಿಯನ್ನು ಕ್ರಮಿಸುವ ಸಾಮರ್ಥ್ಯವನ್ನು ಹೊಂದಿದೆ.
 

ಡಿಆರ್‌ಡಿಒ ಏಕೀಕೃತ ಕ್ಷಿಪಣಿ ಅಭಿವೃದ್ಧಿ ಕಾರ್ಯಕ್ರಮದ ಅಡಿ ನಿರ್ಮಿಸಲಾದ ೫ ಕ್ಷಿಪಣಿಗಳಲ್ಲಿ `ಪೃಥ್ವಿ-೨' ಒಂದಾಗಿದ್ದು, ೧೯೯೬ರ ಜನೆವರಿಯಲ್ಲಿ ಇದನ್ನು ಮೊದಲಬಾರಿಗೆ ಪರೀಕ್ಷಿಸಲಾಗಿತ್ತು.

ಇನ್ನಷ್ಟು

Print this page

Email this Page

ಮುಖಪುಟ