Downloads

Wallpapers

Vikrantakarnataka Weekly

Wednesday, 15 November 2006 05:03 PM

ಇಂಗ್ಲೀಷ್ ಭಾಷೆಯಲ್ಲೂ ಪ್ರಸಾರವಾಗಲಿರುವ ಅಲ್-ಜಜೀರಾ

ಬಾಗ್ದಾದ್: ಒಸಾಮಾ-ಬಿನ್-ಲಾಡೆನ್‌ನ ಸುದ್ದಿ ನೀಡಿ ಪ್ರಸಿದ್ಧವಾದ ಅರೇಬಿಕ್ ಸೆಟಲೈಟ್ ಟೆಲಿವಿಷನ್ ಸ್ಟೇಷನ್ `ಅಲ್ ಜಜೀರಾ' ಬುಧವಾರ ತನ್ನ ಇಂಗ್ಲೀಷ್ ಭಾಷೆಯ ವಾಹಿನಿಗೆ ಚಾಲನೆ ನೀಡಿತು.
 

೨೪ ಗಂಟೆಗಳೂ ಪ್ರಸಾರವಾಗಲಿರುವ ಅಲ್-ಜಜೀರಾದ ಇಂಗ್ಲೀಷ್ ವಾಹಿನಿ ದೋಹಾ, ಕೌಲಾಲಂಪುರ್, ವಾಷಿಂಗ್ಟನ್ ಮತ್ತು ಲಂಡನ್‌ಗಳಿಂದ ಏಕಕಾಲಕ್ಕೆ ಪ್ರಸಾರವಾಗಲಿದೆ.
 

ಈ ವಾಹಿನಿ ಮಧ್ಯ ಪ್ರಾಚ್ಯ ಪ್ರದೇಶಗಳ ಬಗ್ಗೆ ಸವಿವರವಾಗಿ ಜಗತ್ತಿಗೆ ಸಾರುವ ಪ್ರಥಮ ವಾಹಿನಿಯಾಗಿದೆ ಎಂದು ಹೇಳಲಾಗುತ್ತದೆ.
 

ಅಲ್-ಜಜೀರಾ ಒಸಾಮಾ-ಬಿನ್-ಲಾಡೆನ್, ಮತ್ತಿತರ ಅಲ್-ಖೈದಾ ಉಗ್ರಗಾಮಿ ಮುಖಂಡರ ಬಗ್ಗೆ ಪ್ರಸಾರ ಮಾಡಿ ಅಂತರರಾಷ್ಟ್ರೀಯ ಮಟ್ಟದಲ್ಲಿ ಖಂಡನೆಗೆ ಒಳಗಾಗಿತ್ತು.
 

ಇರಾಕ್ ಯುದ್ಧದ ಸಂದರ್ಭದಲ್ಲಿ ಅಮೆರಿಕಾ ಸೈನ್ಯ ಅಲ್-ಜಜೀರಾ ಸ್ಟೇಷನ್ನಿನ ಬಾಗ್ದಾದ್ ಕೇಂದ್ರವನ್ನು ಬಾಂಬ್ ಧಾಳಿಯಿಂದ ನಾಶಪಡಿಸಿತ್ತು. ಇದರಲ್ಲಿ ಒಬ್ಬ ವರದಿಗಾರನ ಮರಣ ಮತ್ತು ಒಬ್ಬ ಛಾಯಾಗ್ರಾಹಕ ಗಾಯಗೊಂಡಿದ್ದ.
 

`ಅಲ್-ಜಜೀರಾ'ದ ಇಂಗ್ಲಿಷ್ ವಾಹಿನಿ ಕೂಡಾ ಅಲ್-ಖೈದಾದ ವಿಡಿಯೋ ಚಿತ್ರೀಕರಣವನ್ನು ಪ್ರಸಾರ ಮಾಡಲಿದೆ. ನಾವು ಪಕ್ಷಾತೀತವಾದ ಮತ್ತು ನಿರ್ಧಿಷ್ಟ ಸುದ್ದಿಯನ್ನು ನೀಡಲಿದ್ದೇವೆ' ಎಂದು ಅಲ್-ಜಜೀರಾ ಇಂಗ್ಲಿಷ್ ವಾಹಿನಿಯ ಲಂಡನ್ ಕೇಂದ್ರದ ಮುಖ್ಯಸ್ಥೆ ಸ್ಯೂ ಫಿಲಿಫ್ಸ್ ಹೇಳುತ್ತಾರೆ.

ಇನ್ನಷ್ಟು

Print this page

Email this Page

ಮುಖಪುಟ