Downloads

Wallpapers

Vikrantakarnataka Weekly

Tuesday, 14 November 2006 03:12 PM

ಸರ್ಕಾರಿ ನೌಕರರಿಗೆ `ಆಡಳಿತ ಕನ್ನಡ' ಪಾಠ

ಬೆಂಗಳೂರು: ರಾಜ್ಯದ ಆಡಳಿತದಲ್ಲಿ ಕನ್ನಡವನ್ನು ಕಡ್ಡಾಯಗೊಳಿಸುವ ದಿಶೆಯಲ್ಲಿ `ಕನ್ನಡ ಅಭಿವೃದ್ಧಿ ಪ್ರಾಧಿಕಾರ'ದ ಸಹಯೋಗದಲ್ಲಿ ಹಂಪಿ ಕನ್ನಡ ವಿಶ್ವವಿದ್ಯಾಲಯವು ಸರ್ಕಾರಿ ನೌಕರರಿಗೆ ದೂರಶಿಕ್ಷಣದ ಮೂಲಕ `ಆಡಳಿತ ಕನ್ನಡ' ಪಾಠವನ್ನು ನೀಡಲು ಯೋಜಿಸುತ್ತಿದೆ.
 

`ಕರ್ನಾಟಕದಲ್ಲಿ ಆಡಳಿತದ ಎಲ್ಲಾ ಹಂತಗಳಲ್ಲೂ ಏಕರೂಪದ ಆಡಳಿತ ಕನ್ನಡವನ್ನು ಅನುಷ್ಠಾನಕ್ಕೆ ತರುವುದು ಈ ಯೋಜನೆಯ ಉದ್ದೇಶವಾಗಿದೆ. ಆಡಳಿತ ಕನ್ನಡ ಕೋರ್ಸ್‌ಲ್ಲಿ ಉತ್ತೀರ್ಣರಾದ ನೌಕರರಿಗೆ ಬಡ್ತಿ, ವೇತನ ಹೆಚ್ಚಿಸುವ ಮೂಲಕ ಉತ್ತೇಜನ ನೀಡಬೇಕೆಂದು ಕೋರಿ ಸರ್ಕಾರಕ್ಕೆ ಪತ್ರ ಬರೆಯಲಾಗುತ್ತದೆ' ಎಂದು ಪ್ರಾಧಿಕಾರದ ಅಧ್ಯಕ್ಷ ಡಾ. ಸಿದ್ಧಲಿಂಗಯ್ಯ ಹೇಳಿದ್ದಾರೆ.
 

`ಈ ರೀತಿ ಉತ್ತೇಜನ ನೀಡುವುದರಿಂದ ನೌಕರರು ಕನ್ನಡ ಕಲಿಯಲು ಮುಂದೆ ಬರುತ್ತಾರೆ ಮತ್ತು ಆಗ ತನ್ನಿಂತಾನೆ ಆಡಳಿತದಲ್ಲಿ ಕನ್ನಡವು ಜಾರಿಗೆ ಬರುತ್ತದೆ' ಎಂದು ಡಾ. ಸಿದ್ಧಲಿಂಗಯ್ಯ ಅಭಿಪ್ರಾಯ ವ್ಯಕ್ತ ಪಡಿಸುತ್ತಾರೆ.
 

ಈ ಕೋರ್ಸ್ ಅಧಿಕೃತ ಪ್ರಮಾಣ ಪತ್ರವನ್ನು ಒಳಗೊಂಡಿರುತ್ತದೆ. ಇದು ೧೦ ತಿಂಗಳ ಕೋರ್ಸ್ ಆಗಿದ್ದು ಕನ್ನಡದಲ್ಲೇ ಅಧಿಸೂಚನೆ, ಸುತ್ತೋಲೆ ಹೊರಡಿಸುವುದು, ಪಾರಿಭಾಷಿಕ ಪದಗಳ ಬಳಕೆ ಮುಂತಾದುವುಗಳನ್ನು ಒಳಗೊಂಡಿರುತ್ತದೆ.
 

ಹಂಪಿ ವಿಶ್ವವಿದ್ಯಾಲಯವು `ಆಡಳಿತ ಕನ್ನಡ' ಕೋರ್ಸ್‌ಗೆ ಅಗತ್ಯವಿರುವ ಪಠ್ಯಕ್ರಮ ಸೇರಿದಂತೆ ಎಲ್ಲಾ ರೀತಿಯ ಪೂರ್ವತಯಾರಿಯನ್ನು ಈಗಾಗಲೆ ಮಾಡಿಕೊಂಡಿದೆ.

ಇನ್ನಷ್ಟು

Print this page

Email this Page

ಮುಖಪುಟ