Downloads

Wallpapers

Vikrantakarnataka Weekly

Tuesday, 14 November 2006 03:11 PM

ನ.೧೪ರಿಂದ ರಾಜ್ಯದಲ್ಲಿ ಸಹಕಾರಿ ಸಪ್ತಾಹ

ಬೆಂಗಳೂರು: ಕರ್ನಾಟಕ ರಾಜ್ಯ ಸಹಕಾರ ಮಹಾಮಂಡಳ ನಿಯಮಿತ ನ. ೧೪ ರಿಂದ ೨೦ರವರೆಗೆ ಕರ್ನಾಟಕದಾದ್ಯಂತ `೫೩ನೇ ಅಖಿಲ ಭಾರತ ಸಹಕಾರಿ ಸಪ್ತಾಹ' ಆಯೋಜಿಸಲಿದೆ.
 

ನ.೧೪ರಂದು ಮುಖ್ಯಮಂತ್ರಿ ಕುಮಾರಸ್ವಾಮಿ ನಗರದ ಅಂಬೇಡ್ಕರ್ ಭವನದಲ್ಲಿ ಸಪ್ತಾಹಕ್ಕೆ ಚಾಲನೆಯನ್ನು ನೀಡಲಿದ್ದಾರೆ.
 

೭ ದಿನಗಳನ್ನೂ ವಿಶೇಷ ರೀತಿಯಲ್ಲೇ ಆಚರಿಸಲಾಗುತ್ತದೆ ಎಂದು ಶನಿವಾರ ನಡೆದ ಪತ್ರಿಕಾಗೋಷ್ಠಿಯಲ್ಲಿ ರಾಜ್ಯ ಸಹಕಾರ ಮಹಾಮಂಡಳದ ಅಧ್ಯಕ್ಷ ಮತ್ತು ಶಾಸಕ ಜಿ.ಟಿ. ದೇವೇಗೌಡ ಹೇಳಿದರು.

ಸಪ್ತಾಹದ ರೂಪುರೇಷೆ:
ಬೆಂಗಳೂರಿನಲ್ಲಿ ನ.೧೪ರಂದು: ಸಹಕಾರಿ ಸ್ವಾಯತ್ತತೆ, ಉತ್ತಮ ಆಡಳಿತ ಮತ್ತು ಮಾಹಿತಿ ಹಕ್ಕು ದಿನಾಚರಣೆ.

೧೫ರಂದು `ವೃತ್ತಿಪರತೆಯನ್ನು ಬಲಪಡಿಸಲು ಮತ್ತು ಮಾಹಿತಿ ಸಂವಹನ ತಂತ್ರಜ್ಞಾನ ಅನ್ವಯ' ದಿನಾಚರಣೆ.

೧೬ರಂದು ಸಹಕಾರಿ ಮಾರಾಟ ರೂಪಾಂತರ ಹಾಗೂ ರೈತರ ದಿನಾಚರಣೆ.

ಬೆಳಗಾವಿಯಲ್ಲಿ ೧೭ರಂದು `ಸಹಕಾರಿ ಸಂಘಗಳ ಮೂಲಕ ಬಡತನ ಸುಧಾರಣೆ ಮತ್ತು ಉದ್ಯೋಗ ಸೃಷ್ಟಿ' ಹಾಗೂ ಗ್ರಾಹಕ ದಿನಾಚರಣೆ.

ಹಾಸನದಲ್ಲಿ ೧೮ರಂದು `ಸಹಕಾರ ಸಂಘಗಳ ಮೂಲಕ ಮಹಿಳಾ ಹಾಗೂ ಯುವ ಸಬಲೀಕರಣ' ಮತ್ತು ಸಾಮಾಜಿಕ ನ್ಯಾಯದ ದಿನಾಚರಣೆ.

ಮಂಗಳೂರಿನಲ್ಲಿ ನ.೧೯ರಂದು `ಸಹಕಾರಿ ಮತ್ತು ಕಿರು ಹಣಕಾಸು ಹಾಗೂ ಯುವ ಸಬಲೀಕರಣ' ಮತ್ತು ಸಾಮಾಜಿಕ ನ್ಯಾಯ ದಿನಾಚರಣೆ.

ಮಡಿಕೇರಿಯಲ್ಲಿ ೨೦ರಂದು `ಪ್ರಸ್ತುತ ವಾತಾವರಣದಲ್ಲಿ ಸಹಕಾರಿ ಅಸ್ತಿತ್ವ', ಮೌಲ್ಯಗಳು ಹಾಗೂ ತತ್ವಗಳ ಬಲಪಡಿಸುವ ದಿನಾಚಣೆ.
 

ಸಹಕಾರಿ ಸಂಘಗಳ ವಿವಿಧ ಸಮಸ್ಯೆಗಳನ್ನು ಚರ್ಚಿಸಲು ಇದೊಂದು ವೇದಿಕೆಯಾಗಲಿದೆ ಎಂದು ಗೌಡರು ವಿವರಿಸಿದರು.

ಇನ್ನಷ್ಟು

Print this page

Email this Page

ಮುಖಪುಟ