Downloads

Wallpapers

Vikrantakarnataka Weekly

Wednesday, 08 November 2006 11:46 AM

ನವೆಂಬರ್ ೨೬ಕ್ಕೆ ಹಿಂದುಳಿದವರ ಬೃಹತ್ ರ್‍ಯಾಲಿ

ಬೆಂಗಳೂರು: ಕರ್ನಾಟಕ ಕೋಮು ಸೌಹಾರ್ದ ವೇದಿಕೆ ನ.೨೬ರಂದು ಬೆಂಗಳೂರಿನಲ್ಲಿ ಬೃಹತ್ ರ್‍ಯಾಲಿಯನ್ನು ಆಯೋಜಿಸಲಿದೆ.
 

ಮಂಗಳೂರಿನಲ್ಲಿ ಪೊಲೀಸ್ ದೌರ್ಜನ್ಯ ತಡೆದು ಪುನಃ ಸಾಮಾನ್ಯ ಸ್ಥಿತಿಯನ್ನು ತರುವುದು ಮತ್ತು ದತ್ತಪೀಠ ವಿವಾದದಲ್ಲಿ ಸರ್ಕಾರ ಈಗ ಯಾವ ನಿಲುವನ್ನು ತೆಗೆದುಕೊಂಡಿದೆಯೋ ಅದೇ ನಿಲುವನ್ನು ಮುಂದುವರಿಸಿಕೊಂಡು ಹೋಗುವಂತೆ ರಾಜ್ಯ ಸರ್ಕಾರದ ಮೇಲೆ ಒತ್ತಡ ಹೇರುವುದು ಈ ರ್‍ಯಾಲಿಯ ಉದ್ದೇಶವಾಗಿದೆ.
 

`ಕರ್ನಾಟಕವನ್ನು ಇನ್ನೊಂದು `ಗುಜರಾತ್' ರೀತಿ ಮಾಡಲು ರಾಜಕೀಯ ಪಕ್ಷಗಳು ಹೊರಟಿವೆ. ಸಂಘ ಪರಿವಾರಗಳು ದತ್ತಪೀಠ ವಿವಾದಕ್ಕೆ ಅಯೋಧ್ಯೆಯ ಬಣ್ಣವನ್ನು ಕೊಡುತ್ತಿದ್ದಾರೆ' ಎಂದು ವೇದಿಕೆಯ ಅಧ್ಯಕ್ಷರಾದ ಪ್ರೊ. ರಾಚಪ್ಪ ಆಪಾದಿಸಿದರು.
 

ರ್‍ಯಾಲಿಯಲ್ಲಿ ರಾಜ್ಯಾದ್ಯಂತ ಗಿರೀಶ್ ಕಾರ್ನಾಡ್, ಗದಗದ ತೋಂಟದಾರ್ಯ ಸ್ವಾಮೀಜಿ, ದಲಿತ ಸಂಘರ್ಷ ಸಮಿತಿಯ ಮುಖಂಡರು ಮತ್ತು ಸದಸ್ಯರು ಮುಂತಾದವರು ಪಾಲ್ಗೊಳ್ಳಲಿದ್ದಾರೆ.
ರಾಜ್ಯದಲ್ಲಿ ಸಾಮರಸ್ಯ ಹೆಚ್ಚಿಸಲು ರಾಜ್ಯದಾದ್ಯಂತ ಒಂದು ವಾರದ ಕಾರ್ಯಕ್ರಮವನ್ನು ಹಮ್ಮಿಕೊಳ್ಳಲಾಗುವುದು. ಇದರ ಚಾಲನೆ ಮಂಗಳೂರಿನಲ್ಲಿ ಮಾಡಲಾಗುವುದು. ಈ ಪ್ರಾರಂಭೋತ್ಸವಕ್ಕೆ ಖ್ಯಾತ ಲೇಖಕಿ ಅರುಂಧತಿ ರಾಯ್ ಮತ್ತು ಖ್ಯಾತ ನರ್ಮದಾ ಬಚಾವೊ ಆಂಧೋಲನದ ಮೇಧಾ ಪಾಟ್ಕರ್ ಅವರನ್ನು ಆಹ್ವಾನಿಸಲಾಗಿದೆ ಎಂದು ರಾಚಪ್ಪ ಮಾಹಿತಿ ನೀಡಿದರು.

ಇನ್ನಷ್ಟು

Print this page

Email this Page

ಮುಖಪುಟ