Downloads

Wallpapers

Vikrantakarnataka Weekly

Sunday, 05 November 2006 01:26 PM

ಅಕ್ರಮ ಗಣಿಗಾರಿಕೆ: `ಸ್ಟಾಂಪಿಟ್' ಮಾದರಿ ತನಿಖಾತಂಡ

ಬೆಂಗಳೂರು: ರಾಜ್ಯದ ರಾಜಕಾರಣದಲ್ಲಿ ಕೋಲಾಹಲವನ್ನೇ ಮೂಡಿಸಿದ ಕನಕಪುರ ಮತ್ತು ಬಳ್ಳಾರಿಗಳ ಅಕ್ರಮ ಗಣಿಗಾರಿಕೆ ಸಂಬಂಧ ತನಿಖೆ ನಡೆಸಲು ರಾಜ್ಯ ಸರ್ಕಾರ ಸ್ಟಾಂಪಿಟ್ ಮಾದರಿಯ ಎರಡು ಪ್ರತ್ಯೇಕ ತನಿಖಾದಳವನ್ನು ರಚಿಸಲು ನಿರ್ಧರಿಸಿದೆ.
 

ಛಾಪಾ ಕಾಗದ ಹಗರಣವನ್ನು ಯಶಸ್ವಿಯಾಗಿ ತನಿಖೆ ನಡೆಸಿದ `ಸ್ಟಾಂಪಿಟ್' ತನಿಖಾ ದಳದ ಸ್ವರೂಪದಲ್ಲೇ ಈ ತನಿಖಾ ದಳವೂ ಇರಲಿದೆ. ತನಿಖೆಗೆ ಅಗತ್ಯವಿದ್ದರೆ ಯಾವುದೇ ವ್ಯಕ್ತಿ ಅಥವಾ ಕಂಪೆನಿ ಪ್ರತಿನಿಧಿಗಳನ್ನು ವಿಚಾರಿಸುವ, ತಪ್ಪಿತಸ್ಥರನ್ನು ಬಂಧಿಸುವ, ನ್ಯಾಯಾಲಯಕ್ಕೆ ಹಾಜರುಪಡಿಸುವ, ಮತ್ತು ಆರೋಪ ಪಟ್ಟಿ ಸಲ್ಲಿಸುವ ಅಧಿಕಾರಗಳನ್ನು ಈ ತನಿಖಾ ತಂಡಕ್ಕೆ ನೀಡಲಾಗುವುದು.
 

ತನಿಖಾತಂಡಗಳ ಸದಸ್ಯರು, ಅದರ ಕಾರ್ಯವ್ಯಾಪ್ತಿ, ಸ್ವರೂಪಗಳ ಬಗ್ಗೆ ಇನ್ನೂ ಏನನ್ನೂ ನಿರ್ಧರಿಸಲಾಗಿಲ್ಲ. ಈ ಬಗ್ಗೆ ಇನ್ನೊಂದು ವಾರದೊಳಗೆ ಸರ್ಕಾರ ಇದರ ಬಗ್ಗೆ ಅಧಿಕೃತ ಸೂಚನೆ ಹೊರಡಿಸಲಿದೆ.
 

ಇನ್ನೊಂದೆಡೆ ಗಣಿ ಲಂಚ ಪ್ರಕರಣವನ್ನು ಸಿಬಿಐಗೆ ಒಪ್ಪಿಸಬೇಕು ಎಂದು ಜನಾರ್ಧನ ರೆಡ್ಡಿ ಉಚ್ಚ ನ್ಯಾಯಾಲಯಕ್ಕೆ ಅರ್ಜಿಸಲ್ಲಿಸಿದ್ದರು. ಇದರ ವಿಚಾರಣೆ ಕೂಡಾ ನಡೆಯುತ್ತಿದೆ.

ಇನ್ನಷ್ಟು

Print this page

Email this Page

ಮುಖಪುಟ