Downloads

Wallpapers

Vikrantakarnataka Weekly

Sunday, 05 November 2006 01:19 PM

ಗಿರಿನಗರದ ಅಕ್ರಮ ಜಾಗ ವಶಪಡಿಸಿಕೊಂಡ ಬಿಡಿಎ

ಬೆಂಗಳೂರು: ಶನಿವಾರ ಬೆಳಗ್ಗೆ ತ್ವರಿತ ಕಾರ್ಯಾಚರಣೆ ನಡೆಸಿದ ಬಿಡಿಎ ಗಿರಿನಗರದ ೪ನೇ ಹಂತದ ೩೭ ಎಕರೆ ಪ್ರದೇಶಲ್ಲಿ ನಿರ್ಮಾಣಗೊಂಡ ಅಕ್ರಮ ಮನೆ ಮತ್ತು ನಿವೇಶನಗಳನ್ನು ನೆಲಸಮಗೊಳಿಸಿತು.
 

ಸ್ಥಳೀಯರು ತೀವ್ರವಾಗಿ ವಿರೋಧಿಸಿದರೂ ೨೫ ಜೆಸಿಬಿ ಮತ್ತು ಸುಮಾರು ೧೦೦ ಪೌರಕಾರ್ಮಿಕರು ಮತ್ತು ಪೊಲೀಸರ ಸಹಾಯದಿಂದ ಕಾರ್ಯಾಚರಣೆಯನ್ನು ನಡೆಸಲಾಯಿತು.
 

ವಿಶ್ವಭಾರತಿ ಹೌಸಿಂಗ್ ಸೊಸೈಟಿಗೆ ಸೇರಿದೆ ಎನ್ನಲಾಗುವ ಈ ಬಡಾವಣೆಯಲ್ಲಿ ಅನೇಕ ಮಂದಿ ಜಾಗ ಖರೀದಿ ಮಾಡಿದ್ದರು. ಆದರೆ ಅವರ ಹತ್ತಿರ ಜಾಗ ಖರೀದಿಮಾಡಿದ ಬಗ್ಗೆ ಯಾವುದೇ ಅಧಿಕೃತ ದಾಖಲೆಗಳು ಇಲ್ಲ ಎನ್ನಲಾಗಿದೆ.
 

ಮಾಲೀಕರು ಎನ್ನಿಸಿಕೊಂಡವರ ಉಪವಾಸ ಬೆದರಿಕೆ, ಪ್ರತಿರೋಧ ಯಾವುದನ್ನೂ ಲೆಕ್ಕಿಸದೆ ಬಿಡಿಎ ಅಧಿಕಾರಿಗಳು ನಿವೇಶನಗಳನ್ನು ತೆರವು ಗೊಳಿಸಿದ್ದಾರೆ.
 

ಕಾರ್ಯಾಚರಣೆಯ ಸಂದರ್ಭದಲ್ಲಿ ನಿವೇಶನದಾರರು ಮತ್ತು ಅಧಿಕಾರಿಗಳ ನಡುವೆ ತೀವ್ರ ವಾಗ್ವಾದ ನಡೆದು ಕೆಲವು ಕ್ಷಣ ಉದ್ವಿಗ್ನ ಪರಿಸ್ಥಿತಿ ನಿರ್ಮಾಣವಾಗಿತ್ತು.

ಇನ್ನಷ್ಟು

Print this page

Email this Page

ಮುಖಪುಟ