Downloads

Wallpapers

Vikrantakarnataka Weekly

Saturday, 04 November 2006 12:55 PM

ನಗರದಲ್ಲಿ ಇಂಡೋ ಜರ್ಮನ್ ಚಲನಚಿತ್ರೋತ್ಸವ

ಬೆಂಗಳೂರು: `ಎರಡು ರಾಷ್ಟ್ರ -ಒಂದೇ ಪರದೆ' ಎಂಬ ಅಶಯದ ಮೇಲೆ ೩ ನೇ ಇಂಡೋ- ಜರ್ಮನ್ ಚಲನಚಿತ್ರೋತ್ಸವ ಲಾವಣ್ಯ ಚಿತ್ರಮಂದಿರದಲ್ಲಿ ನವೆಂಬರ್ ೧೭ ರಿಂದ ಜರುಗಲಿದೆ.
 

ನವೆಂಬರ್ ೧೭ ರಂದು ಸಂಜೆ ೬ ಗಂಟೆಗೆ ಈ ಚಲನಚಿತ್ರೋತ್ಸದ ಉದ್ಘಾಟನೆಯನ್ನು ಮುಖ್ಯಮಂತ್ರಿ ಹೆಚ್.ಡಿ. ಕುಮಾರಸ್ವಾಮಿ ಮಾಡಲಿದ್ದಾರೆ. ಚೆನ್ನೈನಲ್ಲಿರುವ ಜರ್ಮನಿಯ ಮುಖ್ಯ ಕೌನ್ಸಿಲರ್ ಹೈನ್ಜ್ ಕೋಪ್ ಸಮಾರಂಭದಲ್ಲಿ ಉಪಸ್ಥಿತರಿರುತ್ತಾರೆ.

ಈ ಕಾರ್ಯಕ್ರಮವನ್ನು ಬೆಂಗಳೂರಿನ ಮಾಕ್ಸ್ ಮುಲ್ಲರ್ ಭವನ ಮತ್ತು ಜರ್ಮನಿಯ ಫಿಲ್ಮಂ ಫ್ರೆನ್ಸ್ ಬಯಾರ್ನ್ ಸಂಸ್ಥೆಯು ಜಂಟಿಯಾಗಿ ಆಯೋಜಿಸಿದೆ. ಕಾರ್ಯಕ್ರಮದ ಪ್ರಯೋಜಕತ್ವವನ್ನು ರಾಬರ್ಟ್ ಬೋಷ್ ಸಂಸ್ಥೆ ಹೊತ್ತಿದೆ. ಎಂದು ಮಾಕ್ಸ್ ಮುಲ್ಲರ್ ಭವನದ ನಿರ್ದೇಶಕ ಡಾ. ಎವೆಲಿನ್ ಹುಸ್ಟ್ ಸುದ್ದಿಗಾರರಿಗೆ ತಿಳಿಸಿದರು.
 

ಈ ಚಿತ್ರೋತ್ಸವದಲ್ಲಿ ಕನ್ನಡದ `ಹಸೀನಾ', `ಬೇರು' ಮತ್ತು `ಸೈನೈಡ್', ಮಲಯಾಳಂನ ಮೂರು, ತೆಲುಗಿನ ಎರಡು ಹಾಗೂ ಹಿಂದಿ, ಮರಾಠಿ, ಬೆಂಗಾಲಿ ಮತ್ತು ತಮಿಳು ಭಾಷೆಯ ತಲಾ ಒಂದು ಚಿತ್ರಗಳು ಪ್ರದರ್ಶನವಾಗಲಿದೆ. ಜರ್ಮನ್ ಭಾಷೆಯ `ಅಕ್ಟೋಬರ್ ಫೆಸ್ಟ್', ಸೋಫಿ ಸ್ಕೂಲ್- ದಿ ಫೈನಲ್ ಡೇಸ್' ಸೇರಿದಂತೆ ಮಕ್ಕಳ ಮೂರು ಚಿತ್ರಗಳು ಪ್ರದರ್ಶನವಾಗಲಿದೆ.
 

ಎಲ್ಲಾ ಪ್ರದರ್ಶನಕ್ಕೆ ಉಚಿತ ಪ್ರವೇಶವಿರುತ್ತದೆ. ಆಸಕ್ತರು ಉಚಿತ ಪಾಸ್‌ಗಳನ್ನು ಇಂದಿರಾನಗರದಲ್ಲಿರುವ ಮಾಕ್ಸ್ ಮುಲ್ಲರ್ ಭವನದಿಂದ ಮುಂಚಿತವಾಗಿ ಪಡೆಯಬಹುದಾಗಿದೆ.

ಇನ್ನಷ್ಟು

Print this page

Email this Page

ಮುಖಪುಟ