Downloads

Wallpapers

Vikrantakarnataka Weekly

Saturday, 04 November 2006 12:49 PM

ಬೃಹತ್ ಬೆಂಗಳೂರಿನ ಅಧಿಸೂಚನೆ ಪ್ರಕಟ

ಬೆಂಗಳೂರು: ಬೆಂಗಳೂರು ನಗರದ ಸರ್ವತೋಮುಖ ಅಭಿವೃದ್ಧಿಗಾಗಿ ರೂಪಿಸಿರುವ `ಬೃಹತ್ ಬೆಂಗಳೂರು' (ಗ್ರೇಟರ್ ಬೆಂಗಳೂರು) ಯೋಜನೆಯ ಅಧಿಸೂಚನೆಯನ್ನು ಗುರುವಾರ ಹೊರಡಿಸಲಾಗಿದೆ.

ಬೆಂಗಳೂರು ಹೊರವಲಯದ ೭ ನಗರಸಭೆ ಮತ್ತು ೧ ಪುರಸಭೆಗಳೂ ಕೂಡಾ ಈ ಯೋಜನೆಯ ವ್ಯಾಪ್ತಿಗೆ ಸೇರಲಿವೆ. ಈ ಯೋಜನೆಯ ಜಾರಿಯಿಂದ ಬೆಂಗಳೂರಿನ ವ್ಯಾಪ್ತಿ ೨೬೬ ಚ. ಕಿ.ಮಿ ಇಂದ ೭೪೦ ಚದರ ಕಿ.ಮೀ. ಗೆ ಏರಲಿದೆ.
 

ಬೆಂಗಳೂರು ಪಾಲಿಕೆ, ರಾಜರಾಜೇಶ್ವರಿನಗರ, ದಾಸರಹಳ್ಳಿ, ಬೊಮ್ಮನಹಳ್ಳಿ, ಕೃಷ್ಣರಾಜಪುರಂ, ಮಹದೇವಪುರ, ಬ್ಯಾಟರಾಯನ ಪುರ, ಯಲಹಂಕ ನಗರಸಭೆಗಳು, ಕೆಂಗೇರಿ ಪುರಸಭೆಗಳು ಯೋಜನೆಯ ವ್ಯಾಪ್ತಿಗೆ ಸೇರುವ ಪ್ರದೇಶಗಳಾಗಿವೆ.
 

ರಸ್ತೆ, ನೀರು, ಘನ ತ್ಯಾಜ್ಯ ವಿಲೇವಾರಿಗಳಂತಹ ಮೂಲಭೂತ ಸೌಕರ್ಯಗಳ ಸುಧಾರಣೆ ಮತ್ತು ಸಮನ್ವಯತೆ ಬೃಹತ್ ಬೆಂಗಳೂರು ಯೋಜನೆಯ ಉದ್ದೇಶವಾಗಿದೆ ಎಂದು ಅಧಿಸೂಚನೆಯಲ್ಲಿ ತಿಳಿಸಲಾಗಿದೆ.
 

ಬೃಹತ್ ಬೆಂಗಳೂರು ಯೋಜನೆಯ ಮುಂದಿನ ಕ್ರಮವಾಗಿ ಕಂದಾಯ ಇಲಾಖೆ ಈ ಪುರಸಭೆಯ ವ್ಯಾಪ್ತಿಯಲ್ಲಿ ಬರುವ ಮತದಾರರು ಮತ್ತು ಆಸ್ತಿ ವಿವರಗಳ ಬಗ್ಗೆ ಅಂಕಿ ಅಂಶಗಳನ್ನು ಕೊಡುವಂತೆ ಸ್ಥಳೀಯ ಸಂಸ್ಥೆಗಳಿಗೆ ಸೂಚನೆ ನೀಡಿದೆ.

ಇನ್ನಷ್ಟು

Print this page

Email this Page

ಮುಖಪುಟ