Downloads

Wallpapers

Vikrantakarnataka Weekly

Friday, 27 October 2006 05:42 PM

ರಂಗಾಯಣದಲ್ಲಿ ಅಕ್ಟೋಬರ್ ೨೮ ರಿಂದ `ನಾಡಸಿರಿ' ಶುರು

ಮೈಸೂರು: ಕರ್ನಾಟಕದ ಜಾನಪದ ಕಲೆಯನ್ನು ಎಲ್ಲರಿಗೂ ಪರಿಚಯಿಸುವ ನಿಟ್ಟಿನಲ್ಲಿ ರಂಗಾಯಣವು `ನಾಡಸಿರಿ' ಎಂಬ ಜಾನಪದ ಆಧಾರಿತ ಕಾರ್ಯಕ್ರಮವನ್ನು ಹಮ್ಮಿಕೊಂಡಿದೆ.
 

`ಈ ತಿಂಗಳ ೨೮ ರಿಂದ ಆರಂಭಗೊಳ್ಳುವ ಒಂದು ವರ್ಷ ಅವಧಿಯ ಈ ಕಾರ್ಯಕ್ರಮಕ್ಕೆ ನಾಡಿನ ಮೂಲೆ ಮೂಲೆಗಳಿಂದ ಜಾನಪದ ಕಲಾವಿದರ ಆಗಮನದ ನಿರೀಕ್ಷೆಯಿದೆ' ಎಂದು ರಂಗಾಯಣದ ನಿರ್ದೇಶಕ ಚಿದಂಬರ ಜಂಬೆ ಹೇಳಿದ್ದಾರೆ. ಪ್ರತಿ ಶನಿವಾರ ಸಂಜೆ ೫ ಗಂಟೆಗೆ ಜಾನಪದ ಕಲೆಯ ಪ್ರದರ್ಶನವನ್ನು ಕಲಾವಿದರು ನೀಡಲಿದ್ದಾರೆ.
 

`ಪ್ರತಿ ವರ್ಷ ನಡೆಯುವ `ನಾಡಸಿರಿ' ಕಾರ್ಯಕ್ರಮದ ಮೂಲ ಉದ್ದೇಶ ನಾಡಿನ ಕಲೆ ಮತ್ತು ಸಂಸ್ಕೃತಿಯ ಪರಿಚಯವನ್ನು ಪ್ರವಾಸಿಗರಿಗೆ ನೀಡುವುದು ಹಾಗೂ ಕಲೆಯ ಸರಂಕ್ಷಣೆಯ ಬಗ್ಗೆ ಜಾಗೃತಿ ಮೂಡಿಸುವುದೇ ಅಗಿದೆ' ಎಂದು ನಿರ್ದೇಶಕ ಜಂಬೆ ಸುದ್ದಿಗಾರರಿಗೆ ಹೇಳಿದರು.
 

೨೦೦೪ ರಲ್ಲಿ ನಡೆದ `ನಾಡಸಿರಿ' ಕಾರ್ಯಕ್ರಮದಲ್ಲಿ ಸುಮಾರು ೬೯ ತಂಡದ ೭೦೩ ಜಾನಪದ ಕಲಾವಿದರು ಪ್ರದರ್ಶನ ನೀಡಿದ್ದರು.
 

ರಂಗಾಯಣದ ವನರಂಗ ಬಯಲು ರಂಗಮಂದಿರದಲ್ಲಿ ನಡೆಯುವ `ನಾಡಸಿರಿ' ಕಾರ್ಯಕ್ರಮಕ್ಕೆ ಪ್ರವಾಸೋದ್ಯಮ ಇಲಾಖೆಯ ಸಹಯೋಗ ಕೂಡ ದೊರೆತಿದೆ.
 

ಕಂಸಾಳೆ, ವೀರಗಾಸೆ, ಜಗ್ಗಲಿಗೆ, ಪೂಜಾ ಕುಣಿತ, ಪಟ ಕುಣಿತ, ಹಲಗೆ ವಾದನ ಮುಂತಾದ ನಾನಾ ಪ್ರಕಾರದ ಕುಣಿತಗಳ ಪ್ರದರ್ಶನವನ್ನು ಕಾಣಬಹುದಾಗಿದೆ. ಕಾರ್ಯಕ್ರಮದ ಉದ್ಘಾಟನೆಯನ್ನು ಜಿಲ್ಲಾ ಉಸ್ತುವಾರಿ ಸಚಿವ ಡಿ. ಟಿ. ಜಯಕುಮಾರ್ ಮಾಡಲಿದ್ದಾರೆ.

ಇನ್ನಷ್ಟು

Print this page

Email this Page

ಮುಖಪುಟ