Downloads

Wallpapers

Vikrantakarnataka Weekly

Friday, 20 October 2006 06:25 PM

ಸ್ವತಃ ಅಣ್ಣನ ಮಗನಿಂದ ಗುಂಡೇಟು ತಿಂದ ಕೋರೆ

ಬೆಳಗಾವಿ: ವಿಧಾನ ಪರಿಷತ್ ಸದಸ್ಯ, ಬೆಳಗಾವಿಯ ಕೆಎಲ್‌ಇ ಸಂಸ್ಥೆಯ ಕಾರ್ಯಾಧ್ಯಕ್ಷ ಪ್ರಭಾಕರ ಕೋರೆ ಅಣ್ಣನ ಮಗನಿಂದ ಗುಂಡೇಟಿಗೆ ಒಳಗಾಗಿದ್ದಾರೆ. ಅವರ ದೇಹ ಸ್ಥಿತಿ ಗಂಭಿರವಾಗಿದ್ದು ಕೆಎಲ್‌ಇ ಆಸ್ಪತ್ರೆಯಲ್ಲಿ ಶಸ್ತ್ರಚಿಕಿತ್ಸೆಗೆ ಒಳಗಾಗಿದ್ದಾರೆ.
 

ಗುರುವಾರ ಕೋರೆ ಸ್ವಂತ ಮಾಲೀಕತ್ವದ ಚಿತ್ರಮಂದಿರದ ಕಾಮಗಾರಿಯನ್ನು ವೀಕ್ಷಿಸಲು ತಮ್ಮ ಊರಾದ ಅಂಕಲಿಗೆ ತೆರಳಿದ್ದರು. ಚಿತ್ರ ಮಂದಿರದ ಕಚೇರಿಯಲ್ಲೇ ಕೋರೆಯವರ ಅಣ್ಣನ ಮಗನಾದ ಜಗದೀಶ ಕೋರೆ ಅವರ ಮೇಲೆ ಗುಂಡನ್ನು ಹಾರಿಸಿದ್ದಾನೆ. ಈ ಘಟನೆ ಮಧ್ಯಾಹ್ನ ಸುಮಾರು ೧೨. ೪೫ ಕ್ಕೆ ನಡೆದಿದೆ.
 

ಒಟ್ಟು ೪ ಗುಂಡುಗಳನ್ನು ಹಾರಿಸಲಾಗಿದ್ದು, ಎರಡು ಪಕ್ಕೆಲುಬಿಗೆ, ಇನ್ನೊಂದು ಬೆನ್ನಿಗೆ, ಮತ್ತೊಂದು ಗುಂಡು ಹಿಂಬದಿ ಸೊಂಟದ ಹತ್ತಿರ ಬಡಿದಿದೆ. ತುರ್ತು ಶಸ್ತ್ರಚಿಕಿತ್ಸೆಗಳನ್ನು ಕೆಎಲ್‌ಇ ಆಸ್ಪತ್ರೆಯಲ್ಲೇ ಕೈಗೊಂಡು ಅತೀ ಮುಖ್ಯ ಶಸ್ತ್ರ ಚಿಕಿತ್ಸೆ ಮಾಡಲು ಮುಂಬೈಗೆ ಕರೆದೊಯ್ಯುವ ತೀರ್ಮಾನ ವೈದ್ಯರು ಮಾಡಿರುವುದಾಗಿ ಹೇಳಲಾಗಿದೆ.
 

ಜಗದೀಶ ಕೋರೆ ಹಲ್ಲೆ ಎಸಗಿ ಮಹಾರಾಷ್ಟ್ರಕ್ಕೆ ಪರಾರಿಯಾಗಿದ್ದಾನೆ ಎಂದು ಊಹಿಸಲಾಗಿದ್ದು ಪೊಲೀಸರು ವ್ಯಾಪಕ ಶೋಧನೆ ಕೈಗೊಂಡಿದ್ದಾರೆ.

ಇನ್ನಷ್ಟು

Print this page

Email this Page

ಮುಖಪುಟ