ನವದೆಹಲಿ: ಸಂಸತ್ತಿನ ಮೇಲೆ ದಾಳಿ ಮಾಡಿದ ಆರೋಪದ ಮೇಲೆ ಗಲ್ಲು ಶಿಕ್ಷೆಗೆ ಗುರಿಯಾಗಿರುವ ಅಫ್ಜಲ್‌ಗೆ ಕ್ಷಮಾದಾನ ಕೋರಿಕೆಗಾಗಿ ಅವರ ಕುಟುಂಬ ರಾಷ್ಟ್ರಪತಿಯವರನ್ನು ಭೇಟಿ ಮಾಡಲಿದೆ.

ಕ್ಷಮಾದಾನದ ಬಗ್ಗೆ ರಾಷ್ಟ್ರಪತಿಯವರನ್ನು ಕೇಳಲು ಅಫ್ಜಲ್‌ನ ಪತ್ನಿ ತಬಸ್ಸುಂ ಮಂಗಳವಾರ ಮನವಿ ಸಲ್ಲಿಸಿದ್ದರು. ಜೊತೆಗೆ ಅಬ್ದುಲ್ ಕಲಾಂ ಅವರೊಡನೆ ಖಾಸಗಿ ಭೇಟಿಗಾಗಿ ಕೂಡ ಮನವಿ ಸಲ್ಲಿಸಲಾಗಿತ್ತು.  ಅಫ್ಜಲ್‌ನ ಪತ್ನಿ ತಬಸ್ಸುಂ ಅವರೊಂದಿಗೆ ಏಳು ವರ್ಷದ ಮಗ ಗಾಲಿಬ್, ಅಫ್ಜಲ್ ಅವರ ತಾಯಿ ಆಯೇಷಾ ಬೇಗಂ ಹಾಗೂ ವಕೀಲರಾದ ನಂದಿತಾ ಹಕ್ಸರ್ ಮತ್ತು ಎನ್. ಡಿ. ಪಂಚೋಲಿ ರಾಷ್ಟ್ರಪತಿ ಅವರನ್ನು ಭೇಟಿ ಮಾಡಲಿದ್ದಾರೆ ಎಂದು ರಾಷ್ಟ್ರಪತಿ ಭವನದ ಮೂಲಗಳು ತಿಳಿಸಿವೆ.