ಇಥಿಯೋಪಿಯಾ: ವಿಶ್ವದ ಅತ್ಯಂತ ಹಳೆಯ ಮಗುವಿನ ಪಳೆಯುಳಿಕೆಯನ್ನು ಇಥಿಯೋಪಿಯಾದಲ್ಲಿ ಪತ್ತೆ ಮಾಡಿರುವುದಾಗಿ ಪ್ರಾಚೀನ ಜೀವಶಾಸ್ತ್ರ ವಿಜ್ಞಾನಿಗಳು ಹೇಳಿದ್ದಾರೆ.

೩ ವರ್ಷ ವಯಸ್ಸಿನ ಬಾಲಕಿಯ ಅಸ್ಥಿಪಂಜರವು ಸುಮಾರು ೩.೩ ಮಿಲಿಯನ್ ವರ್ಷಗಳಷ್ಟು ಹಳೆಯದಾಗಿದೆ.

ಪೂರ ತಲೆಬುರುಡೆ ಇರುವ ಪಳೆಯುಳಿಕೆ ಲಭಿಸುವುದು ತುಂಬಾ ವಿರಳ. ಈಗ ಸಿಕ್ಕಿರುವ ಪಳೆಯುಳಿಕೆಯನ್ನು ಸುರಕ್ಷಿತವಾಗಿ ಇಡಲಾಗುವುದು. ಈ ತಲೆಬುರಡೆಯಲ್ಲಿನ ಮೆದುಳು ಕೂಡ ಕಾಣಿಸುತ್ತಿರುವುದು ವಿಶೇಷ ನ್ಯಾಷನಲ್ ಜಿಯೋಗ್ರಾಫಿಕ್ ಪತ್ರಿಕೆಯ ಹಿರಿಯ ಸಂಪಾದಕ ಕ್ರಿಸ್ ಸ್ಲೋನ್ ಹೇಳಿದ್ದಾರೆ.

ಇಥಿಯೋಪಿಯಾ ದೇಶದ ಡಿಕೆಕಾ ಪ್ರದೇಶಕ್ಕೆ ತೆರಳಿದ ಪುರಾತತ್ವ ವಿಜ್ಞಾನಿಗಳ ತಂಡದ ಸದಸ್ಯರಲ್ಲಿ ಕ್ರಿಸ್ ಒಬ್ಬರಾಗಿದ್ದರು.

೧೯೭೪ ರಲ್ಲಿ ಪತ್ತೆಯಾದ ಲೂಸಿ ಹೆಸರು ಪಡೆದ ೩.೨ ಮಿಲಿಯನ್ ವರ್ಷದ ಹಿಂದಿನ ಪಳೆಯುಳಿಕೆಂii ಸಂತತಿಗೂ ಈಗ ಸಿಕ್ಕಿರುವ ಪಳೆಯುಳಿಕೆಗೂ ತುಂಬಾ ಸಾಮ್ಯತೆಯಿದೆ ಎಂದು ಕ್ರಿಸ್ ಹೇಳಿದ್ದಾರೆ.