ಮುಂಬಯಿ : ಹಿಂದಿ ಚಿತ್ರ ನಟಿ ಕರೀನಾ ಕಪೂರ್ ಮತ್ತು ಇನ್ಫೋಸಿಸ್ ರಾಜಗುರು ಎನ್. ಆರ್. ನಾರಾಯಣಮೂರ್ತಿ ಒಂದೇ ವೇದಿಕೆಯಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಪ್ರಶಸ್ತಿಯೊಂದು ಇಬ್ಬರನ್ನು ಅರಸಿಕೊಂಡು ಬಂದಿದೆ ಎಂದರೆ ಅಚ್ಚರಿಪಡುತ್ತೀರಾ...

ಇದು ಸಾಫ್ಟ್‌ವೇರ್ ಪ್ರಶಸ್ತಿಯೂ ಅಲ್ಲ, ಫಿಲ್ಮ್‌ಫೇರ್ ಪ್ರಶಸ್ತಿಯೂ ಅಲ್ಲ. ಈ ಬಾರಿಯ ಪ್ರಿಯದರ್ಶಿನಿ ಪ್ರಶಸ್ತಿಗೆ ನಾರಾಯಣಮೂರ್ತಿ ಮತ್ತು ಕರೀನಾ ಕಪೂರ್ ಆಯ್ಕೆಯಾಗಿದ್ದಾರೆ.

ಸಮಾಜದ ವಿವಿಧ ಸ್ತರಗಳಲ್ಲಿ ವಿಭಿನ್ನವಾಗಿ ದುಡಿದ ಹಲವು ಗಣ್ಯರಿಗೆ ಈ ಪ್ರಶಸ್ತಿಯನ್ನು ಘೋಷಿಸಲಾಗಿದ್ದು ಕರ್ನಾಟಕದ ನಾರಾಯಣಮೂರ್ತಿ ಈ ಪ್ರಶಸ್ತಿಗೆ ಭಾಜನರಾಗಿದ್ದಾರೆ.

ಮಹಾರಾಷ್ಟ್ರದ ಮುಖ್ಯಮಂತ್ರಿ ವಿಲಾಸ್‌ರಾವ್ ದೇಶ್‌ಮುಖ್, ಮತ್ತು ಕೇಂದ್ರೀಯ ವಾಣಿಜ್ಯ ಮಂತ್ರಿ ಕಮಲ್‌ನಾಥ್ ಸೆ. ೧೯ರಂದು ಮುಂಬಯಿಯಲ್ಲಿ ನಡೆಯುವ ಸಮಾರಂಭದಲ್ಲಿ ಪ್ರಶಸ್ತಿಗಳನ್ನು ಪ್ರದಾನ ಮಾಡಲಿದ್ದಾರೆ.