ನವದೆಹಲಿ: ಪೆಪ್ಸಿಕೋ ಸಂಸ್ಥೆಯ ವ್ಯವಸ್ಥಾಪಕ ನಿರ್ದೇಶಕಿ ಇಂದ್ರಾನೂಯಿಯನ್ನು ವಿಶ್ವದ ನಾಲ್ಕನೇ ಪ್ರಭಾವಿ ಮಹಿಳೆಯೆಂದು ಫೋರ್ಬ್ ಪಟ್ಟಿಯಲ್ಲಿ ಬಣ್ಣಸಲಾಗಿದೆ.

ಕಾಂಗ್ರೆಸ್ ಅಧ್ಯಕ್ಷೆ ಸೋನಿಯಾ ಗಾಂಧಿ ವಿಶ್ವದ ಪ್ರಭಾವಿ ಮಹಿಳೆಯರ ಪಟ್ಟಿಯಲ್ಲಿ ೧೩ ನೇ ಸ್ಥಾನದಲ್ಲಿದ್ದಾರೆ. ೨೦೦೫ ರಲ್ಲಿ ಈ ಪಟ್ಟಿಯಲ್ಲಿ ೨೮ ನೇ ಸ್ಥಾನದಲ್ಲಿದ್ದ ಭಾರತೀಯ ಸಂಜಾತೆ ಇಂದ್ರಾನೂಯಿ ಈ ಬಾರಿ ಮೊದಲ ಹತ್ತು ಸ್ಥಾನದಲ್ಲಿ ಒಬ್ಬರಾಗಲು ಪೆಪ್ಸಿ ಸಂಸ್ಥೆಯ ಅಧಿಪತ್ಯದ ಸಾರಥಿಯಾಗಿದ್ದೇ ಕಾರಣವೆನ್ನಲಾಗಿದೆ. ೧೯೭೮ ರಲ್ಲಿ ಭಾರತದಿಂದ ಅಮೇರಿಕಾಕ್ಕೆ ವಲಸೆ ಹೋದ ಇಂದ್ರಾನೂಯಿಯ ಬಗ್ಗೆ ಫೋರ್ಬ್ ಪತ್ರಿಕೆ ಪ್ರಶಂಸೆಯ ಮಳೆಗೆರೆದಿದೆ.

೨೦೦೪ರಲ್ಲಿ ೩ನೇ ಸ್ಥಾನದಲ್ಲಿದ್ದ ಸೋನಿಯಾಗಾಂಧಿ ಮೊದಲ ಹತ್ತು ಸ್ಥಾನಗಳಲ್ಲಿ ಸ್ಥಾನಪಡೆಯುವಲ್ಲಿ ವಿಫಲವಾಗಿದ್ದಾರೆ.

ಐಸಿಐಸಿಐ ಬ್ಯಾಂಕ್‌ನ ವ್ಯವಸ್ಥಾಪಕ ನಿರ್ದೇಶಕಿಯರಾದ ಲಲಿತಾ ಗುಪ್ತೆ ಹಾಗೂ ಕಲ್ಪನಾ ಮೊರ್ಪರಿಯ ಫೋರ್ಬ್ ಪಟ್ಟಿಯಲ್ಲಿರುವ ಇನ್ನಿತರ ಭಾರತೀಯ ಮಹಿಳೆಯರಾಗಿದ್ದಾರೆ. ಅವರಿಬ್ಬರು ಕ್ರಮವಾಗಿ ೯೩ ಮತ್ತು ೧೦೦ ರ ಸ್ಥಾನದಲ್ಲಿದ್ದಾರೆ.

ಈ ಪಟ್ಟಿಯಲ್ಲಿ ೫೩ ಮಹಿಳೆಯರು ಅಮೇರಿಕಾದವರಾದರೆ, ಬ್ರಿಟೀಶ್ ಮೂಲದ ೫ ಮಹಿಳೆಯರು ಇದ್ದಾರೆ.

ಪೂರಕ ಮಾಹಿತಿಗೆ

http://www.vikrantakarnataka.com/news/august/15/pepsi.htm

ಟಿಸಿಎಸ್ `ವಿಶೇಷ ಆರ್ಥಿಕ ವಲಯ'ಕ್ಕೆ ಸರ್ಕಾರ ಅಸ್ತು

ಅಮೆರಿಕಾದಲ್ಲಿ ಭಾರತೀಯರ ಸಂಖ್ಯೆ ಗಣನೀಯ ಹೆಚ್ಚಳ