ನನ್ನ ಗೆಳತಿಗೆ?..

ಸೋಮು, ಬೆಂಗಳೂರು

navila_gari@yahoo.com

ಮೆಲ್ಲಮೆಲ್ಲನೆ ಬೀಸುವ ತಂಗಾಳಿ
ನನ್ನ ಗೆಳತಿಯ ಬಳಿಯಲೊಮ್ಮೆ ಸುಳಿದು ನೋಡು
ಅವಳಿಂದ ನೀನು ಮತ್ತಷ್ಟು ತಂಪಾದರು ಆಶ್ಚರ್ಯವಿಲ್ಲ !

ಭುವಿಯ ಸವಿಯ ಹೆಚ್ಚಿಸುವ ಮುದ್ದು ಮುದ್ದು
ಹೂವುಗಳೇ, ಒಂದೇ ಒಂದು ಸಲ ಇವಳ
ನೆನಪು ಮಾಡಿಕೊಳ್ಳಿ, ಮಲಿನಗೊಂಡ ಮನಗಳಿಗೆ
ಮತ್ತಷ್ಟು ಮುದ ನೀಡುವ ಸೌಂದರ್ಯ ನಿಮ್ಮದಾಗಬಹುದು !

ಬದುಕಿನ ಆಸೆಯನ್ನ ಹೊರಹೊಮ್ಮಿಸುವ
ಸುಂದರ ಕವನಗಳೆ ಒಂದೇ ಒಂದು ಸಾರಿ
ಇವಳ ಮೃದು ಹೃದಯದೊಳಿಳಿದು ಬನ್ನಿ,
ಈ ಮಾಯಗಾತಿಯ ಮೈ ಸ್ಪರ್ಶದಿಂದಲಾದರು
ನಿಮ್ಮ ಸಾಲುಗಳು ಇನ್ನೂ ಶ್ರೀಮಂತವಾದಾವು !

ರಾತ್ರಿ ಮಿನುಗುವ ಚಂದಮಾಮನೇ
ಯಾಕಿಷ್ಟು ಕೆಂಪಾಗಿದ್ದಿ ತಂಪಾಗಿದ್ದಿ ?
ಗೊತ್ತಾಯಿತು ಬಿಡು? ಇವಳು ನಿನ್ನ ಕನಸಲ್ಲಿ ಬಂದಿರಬೇಕು !

ನಕ್ಷತ್ರಗಳೇ ನಿಮಗೆ ಏನು ಅನ್ನಿಸುವುದಿಲ್ಲವೆ?
ಈ ಮಲ್ಲಿಗೆಯ ಮಗಳಿಂದ ಅದೆಷ್ಟು ದೂರವಿದ್ದೀರಿ !
ಸುಮ್ಮನಿಳಿದು ಬಂದಿವಳ ಜೊತೆ ಜೊತೆಯಾಗಿ
ಆಟವಾಡಿಕೊಂಡಿರಬಾರದೇನು ! ಇವಳೇನು ದೂರದವಳ?
ನಿಮ್ಮ ಚಂದಮಾಮನ ತಂಗಿಯಲ್ಲವೇನು !

ಇನ್ನಷ್ಟು