Gelayana maatu poem by Prashanth

Monday, 28 July 2008 10:36 PM

ಗೆಳೆಯನ ಮಾತು

ಪ್ರಶಾಂತ್ ಪಿ.ಎಂ

ಬೆಂಗಳೂರು.

ನನ್ನ ಗೆಳೆಯನ ಜೊತೆಯ ಮಾತು

ಎಂದೂ ಮರೆಯಲಾಗದ ಸವಿಯ ಮುತ್ತು.

ಇಂದು ನನಗೆ ಆ ಮಾತಿನ ನೆನಪು ಬಂತು,

ಮನಸ್ಸು ಹಿಡಿತವಿಲ್ಲದೇ ಹಿಂದಕ್ಕೆ ಸಾಗಿತ್ತು.

ಆ ಚೆಂದದ ದಿನಗಳ ನೆನಪು,

ಮತ್ತೇ ತರುತ್ತಿವೆ ಕಳೆದುಹೋದ ಅನುಭವದ ಓನಪು.

ಅಂದು ಕಳೆದ ಕ್ಷಣಗಳ ಸೊಂಪು,

ಇಂದು ತರುತ್ತಿದೆ ಅಂದಿನ ಪ್ರತಿಕ್ಷಣದ ಸವಿಸವಿ ಇಂಪು.

ಆ ದಿನದ ಮುಗಿಯದಂಥ ಮಾತುಗಳು,

ಈ ದಿನವು ಮುಕ್ತಾಯದ ಸೀಮಿತದ ಮಾತುಗಳು.

ಕಾರಣವಿಲ್ಲದ ಅಂದಿನ ಅನುಚಿತ ಮಾತುಗಳು,

ಇಂದು ಕಾರಣವಿದ್ದರೂ, ಮೂಕಭಾಷೆಯ `ಈ'-ಮೇಲಿನ ಮಾತುಗಳು.

ಅಂದಿನ ಸಹಜ ಗೇಲಿಯ-ಆಟದ-ಪಾಠದ ಮಾತುಗಳು,

ಇಂದಿನ ಕೃತಕ ಪೋಲಿಯ-ಮೋಜಿನ-ಹಾಸ್ಯದ `ಈ'-ಮೇಲಿನ ಮಾತುಗಳು.

ಎಲ್ಲಿಗೆ ಸಾಗಿದೆ ಈ ನನ್ನ-ಗೆಳೆಯನ ಮಾತುಗಳು,

ಕಾಣದ ನಾಗರಿಕ ಸಮಾಜದ ಪ್ರಜೆಗಳೆಂಬ ಪುರಸ್ಕೃತಕೋ, ಉದಾಸೀನದ ಭವ್ಯ ಸಾಮ್ರಾಜ್ಯದ ಆಧಿಪತ್ಯಕೋ?

-ಪಿ. ಎಂ. ಪ್ರಶಾಂತ್.