Downloads

Wallpapers

Vikrantakarnataka Weekly

Monday, 28 July 2008 10:36 PM

ಯಾರಿಗೆ ಹೊಸತು
 

ಎಸ್.ಎಲ್.ಸುರೇಂದ್ರ ಕುಮಾರ್
slskkumar@indiainfo.com

ಯಾರಿಂದ ಯಾರಿಗೆ ಹೊಸ ವರುಷ
ಹೇಗೆ ಏತಕೆ ಹೊಸ ವರುಷ
ಎಲ್ಲಿಂದ ಎಲ್ಲಿಗೆ ಹೊಸ ವರುಷ
ಬಂದಿತೆಂದು ನಿಂದಿದೆ ಎಂದು ಗೊತ್ತೇನು

ವ್ಯತ್ಯಾಸವೇನಿಲ್ಲ ಇಂದು ನಾಳೆಗೆ ಕೆಲವರಿಗೆ
ತಿಳಿಯುತಿಲ್ಲ ನೆನ್ನೆ ಇಂದಿಗೆ ಹಲವರಿಗೆ
ಹಪಾಹಪಿ ಹಸಿವೆ ತೀರದಿರುವಾಗ
ಬುವಿಯ ಹಾಸಿಗೆ ಬಾನೆ ಹೂದಿಕೆಯಾದವರಿಗೆ

ಕನಸುಗಳ ಕಾಣಲು ನಿದ್ದೆಯೆ ಬಾರದವರು
ಮನಸು ಮಾಡಲು ಗುರಿಯೆ ಇರದವರು
ಇರಳು ಹಗಲಿಗಲಿ ಬದಲಾವಣೆ ಕಾಣದವರು
ಇರಲು ಬುವಿಯಂಗಳದ ಮನುಕುಲದಲ್ಲಿ

ಸಂಬಂಧ ಅನುಬಂಧ ತಿಳಿಯದವರಿರಲು
ಪ್ರೀತಿ ಪ್ರೇಮ ವಾತ್ಸಾಲ್ಯ ಅರಿಯದವರಿರಲು
ಮಮತೆ ಮುಗ್ಧತೆಯ ಗುರುತಿಸದವರಿರಲು
ಕಾಣುವುದಾದರು ಹೇಗೆ ಹೊಸತು ಹೊಸತಾಗಿ

ಕಾಣಲು ಕಂಗಳಲಿ ಇರಬೇಕು ಹೊಸತು
ಮನದೊಳಗೆ ಮೂಡಬೇಕು ಹೊಸತು
ಕನಸು ಕಲ್ಪನೆಗಳೊಳಗೆ ಬರಬೇಕು ಹೊಸತು
ಆಗಲೆ ಬದುಕು ದಿನದ ಕ್ಷಣ ಕ್ಷಣವು ಹೊಸತು

ಇನ್ನಷ್ಟು

Print this page

Email this Page

ಮುಖಪುಟ