Downloads

Wallpapers

Vikrantakarnataka Weekly

Monday, 28 July 2008 10:36 PM

ಪುಟ್ಟ ಮರಿ

ಶ್ರೀಮತಿ ಶಾಲಿನಿ ಮೋಹನ್
smera.mohan@gmail.com

ನನ್ನ ಪುಟ್ಟ ಚಿಗುರೆ ಮರಿ
ನೀನು ತುಂಬಾ ಜಾಣ ಮರಿ
ನಲಿವ ನಾನು ನೀನು ಸೇರಿ
ಓಡಿ ಬಾರೆ ಕುಣಿದು ಹಾರಿ

ಅಮ್ಮ ಕೊಟ್ಟ ಮೊಸರು ಕೂಳು
ತಿನ್ನು ಬಾರೆ ಬೆಂದ ಕಾಳು
ಮಾಡಬೇಡ ಸಮಯ ಹಾಳು
ಚಿಗುರಿತು ನಿನ್ನ ಕೊಂಬು ಬೋಳು

ಗಗನ ತುಂಬ ಸುರಿದು ಚಿನ್ನ
ಹರಡಿ ಗರಿಯ ಕೆಂಪು ಬಣ್ಣ
ಒಡೆಯುತಲಿ ಇರುಳ ಮೌನ
ತೆರೆದ ರವಿಯು ಒಂದು ಕಣ್ಣ

ಆಕಾಶವ ಮೇಲೆ ಹೊತ್ತು
ಚಾಚಿ ಮುಂದೆ ತಮ್ಮ ಕತ್ತು
ಸುತ್ತಿ ನಾದ ನೂರು ಸುತ್ತು
ಹಾರಿದಾವ ಬಾನ ಸೊತ್ತು

ಅಲ್ಲಿ ಇಲ್ಲಿ ಏನೊ ಹೆಕ್ಕಿ
ಬಂಡೆಗೆಲ್ಲ ಕೊಕ್ಕ ತಿಕ್ಕಿ
ಹಾಡಿದವು ಹಾಡ ಹಕ್ಕಿ
ಮರೆಯಾದಂತೆಲ್ಲ ಚುಕ್ಕಿ

ಇನ್ನಷ್ಟು

Print this page

Email this Page

ಮುಖಪುಟ